চিয়াং নদীৰ বাঢ়নী পানীত বিধ্বস্ত জোনাইৰ শ শ বিঘা কৃষি ভূমি

চিয়াং নদীৰ বানত বিধস্ত হ'ল জোনাইৰ শ শ বিঘা পথাৰৰ ৰোৱা ধান ৷ অঞ্চলটোৰ চহা কৃষকৰ মাজত হাহাকাৰ

জোনাই, ২২ জুলাইঃ বানে সৰ্বহাৰা কৰা জোনাইৰ কৃষকৰ মাজত হাহাকাৰ | শ শ বিঘা পথাৰৰ ৰোৱা ধান চিয়াং নদীৰ বানে ধ্বংস কৰাত দিশহাৰা অঞ্চলবাসী| জোনাইৰ তাৰি বস্তি, তাৰি মাজগাঁও, তাৰি কছাৰী আদি প্ৰায় ৪-৫ খন গাঁৱৰ শ শ কৃষিভূমিত যোৱা ১১-১২ দিনে চিয়াং নদীৰ বাঢ়নী পানীৰ কবলত থকাত নষ্ট হৈ গৈছে কৃষিভূমি৷

লহপহকৈ বাঢ়ি অহা পথাৰৰ সেউজীয়া ধাননি বোৰ গেলি যোৱাৰ লগতে বোকাত পোত খাই যোৱা চিন্তিত হৈ পৰিছে অঞ্চলবাসী | ইফালে চিয়াং নদীৰ বানে বিধ্বস্ত কৰা দুৰ্ভগীয়া কৃষকৰ পথাৰত পুনৰ হাল বাই ধান ৰুবলৈও কাৰোৰে পথাৰত নাবাচিল কঠিয়া | ইফালে বান কমি অহাৰ পিছতে পথাৰৰ ৰোৱা ধান চাই মূৰে কপালে হাত দিবলগীয়া অৱস্থা হৈছে কৃষকৰ |