পশ্চিম বিলাসীপাৰা, 11 জানুৱাৰীঃশনিবাৰে বিলাসীপাৰাৰ নিকটৱৰ্তী কোকৰাঝাৰ জিলাৰ বগৰীবাৰী আৰক্ষীয়ে চোৰাং কাঠ ব্যৱসায়ীৰ বিৰুদ্ধে এক অভিযান চলায় ৷ এক গোপন সূত্ৰৰ পম খেদি আৰক্ষীয়ে এই অভিযান চলায় ৷ এই অভিযানত আৰক্ষীয়ে দুখন চোৰাং চেগুন কাঠ ভৰ্তি ট্ৰাক জব্দ কৰাৰ লগতে 7 জন লোকক আটক কৰে ৷
চোৰাং কাঠ ভৰ্তি ট্ৰাক জব্দ আটকাধীন লোক কেইজন ক্ৰমে লিভন সৰেন,জোসন টিগ্গা (কাৰ্বি আংলং),মহম্মদ ছাহিদ,ইমৰান, কৰম উদ্দিন,ইস্তিকাৰ,আৰু জুবেইৰ( উত্তৰ প্ৰদেশ) ৷ উল্লেখ্য যে জব্দকৃত কাঠখিনিৰ আনুমানিক বজাৰ মূল্য প্ৰায় ডেৰ কোটি টকা হ'ব বুলি গোলাঘাটৰ বন বিষয়াই জানিবলৈ দিয়ে ৷ তথ্য অনুসৰি ডিমাপুৰৰ পৰা পশ্চিমবংগলৈ লৈ যোৱা অৱস্থাতে আৰক্ষীয়ে কাঠ সমূহ জব্দ কৰে৷ জব্দ হোৱা হোৱা ট্ৰাক দুখনৰ নম্বৰ
UP-25CT-4855 আৰু
UP-25CT-7678 ৷
