বিনা প্ৰতিদ্বন্দ্বিতাৰে জয়ী হোৱাৰ দাবী ইফতাৰুল ইছলাম প্ৰামাণিকৰ

জাতীয় দল অসমৰ মনোনীত প্ৰাৰ্থী ইফতাৰুল ইছলাম প্ৰামাণিকে দলীয় টিকট লৈ দেওবাৰে সমষ্টিটোৰ বাঙালীপাৰাত উপস্থিত হয় ৷ দলটোৰ প্ৰাৰ্থী গৰাকীক দলীয় কৰ্মীসকলে উষ্ম আদৰণি জনাই সমষ্টিলৈ আদৰি নিয়ে ৷

পশ্চিম বিলাসীপাৰা,14 মাৰ্চ: "মোৰ কোনো প্ৰতিদ্বন্দ্বিতা নাই ৷ মই বিনা প্ৰতিদ্বন্দ্বিতাৰে পশ্চিম বিলাসীপাৰা বিধানসভা সমষ্টিৰ পৰা জয়ী হ’ম"-এই দাবী জাতীয় দল অসমৰ মনোনীত প্ৰাৰ্থী ইফতাৰুল ইছলাম প্ৰামাণিকৰ ৷ দলীয় টিকট লৈ দেওবাৰে সমষ্টিটোৰ বাঙালীপাৰাত উপস্থিত হৈ দলটোৰ প্ৰাৰ্থীগৰাকীয়ে কয় যে, বিগত পোন্ধৰ বছৰে পশ্চিম বিলাসীপাৰা বিধানসভা সমষ্টিটো এআইইউডিএফ-ৰ হাফিজ বছিৰ আহমেদৰ দখলত আছিল ৷

বিধায়কগৰাকীয়ে সমষ্টিটোৰ এটাও সমস্যা সমাধান নকৰাত ৰাইজে তেওঁক এইবাৰ ৰাজনৈতিক ক্ষেত্ৰৰ পৰা বিদায় দিব বুলি মন্তব্য কৰে জাতীয় দল অসমৰ প্ৰাৰ্থী গৰাকীয়ে ৷ জাতীয় দল অসমৰ প্ৰাৰ্থী গৰাকীক দলৰ কৰ্মীসকলে উষ্ম আদৰণি জনাই সমষ্টিলৈ আদৰি নিয়ে ৷

লগতে পঢ়ক:অগপৰ তৃতীয়খন প্ৰাৰ্থী তালিকা প্ৰকাশ