বিলাসীপাৰা, 1 জুলাই : বিলাসীপাৰা মহকুমা অসামৰিক চিকিৎসালয়ৰ বিলৈ (Hospital problems in Bilasipara) ৷ অঞ্চলটোত অৱস্থিত একমাত্ৰ চিকিৎসালয়খনত চিকিৎসাৰ বাবে ব্যৱহৃত সামগ্ৰীসমূহ অন্য চিকিৎসালয়লৈ স্থানান্তৰ কৰাৰ সিদ্ধান্তৰ পাছতে এতিয়া জাঙুৰ খাই উঠিছে অঞ্চলটোৰ ৰাইজ (Medical supplies transfer to other hospitals) ৷
শুকুৰবাৰে বিলাসীপাৰাৰ দ্বীপৰকুটিত স্থানীয় ৰাইজে চিকিৎসালয়খনৰ সামগ্ৰীসমূহ স্থানান্তৰ কৰাৰ বিৰোধিতা কৰি ৰাজপথত উত্তাল প্ৰতিবাদ সাব্যস্ত কৰে (Protest at Bilasipara) ৷ শ শ পুৰুষ মহিলাই হাতে হাতে হাতে প্লে' কাৰ্ড লৈ চিকিৎসালয়ৰ সামগ্ৰী অন্য ঠাইলৈ হস্তান্তৰ নচলিব, আমাক চিকিৎসক আৰু চিকিৎসা লাগিবই, আমাৰ দাবী মানিবই লাগিব আদি বিভিন্ন শ্লোগানেৰে ৰাজপথত উত্তাল কৰি প্ৰতিবাদ সাব্যস্ত কৰে ৷
উল্লেখ্য যে চিকিৎসালয়খনত 100 গৰাকী ৰোগীৰ বাবে বিচনা ঠিক হৈ থকাৰ পিছতো জৰুৰীকালীন ভাৱে 2 বা 3 গৰাকী প্ৰসূতিক ভৰ্তি কৰিব পৰাকৈহে বিচনা যুগুত আছে ৷ আনকি কোনো প্ৰসূতিৰ অৱস্থা যদি অধিক সংকটজনক হয় ৰোগীগৰাকীক চিকিৎসাৰ সলনি লগে লগে অন্য হাস্পতাললৈ স্থানান্তৰ কৰিবলগীয়া হয় ৷