ধুবুৰীৰ ইতিহাস বাৰ্তা উন্মোচন
ভাৰতীয় ইতিহাস সংকলন সমিতিৰ উদ্যোগত কেন্দ্ৰীয় সমিতিৰ মুখপাত্ৰ "ইতিহাস বাৰ্তা" নামৰ ধুবুৰী জিলাৰ বিশেষ সংকলন সংখ্যাৰ উন্মোচন। সমান্তৰাল ভাৱে জালিয়ানাবাগৰ হত্যাকাণ্ডৰ শতবৰ্ষ উপলক্ষে ৰাজ্যজুৰি অনুষ্ঠিত হ'ব লগীয়া বক্তৃতানুষ্ঠানৰ আজি শুভাৰম্ভ কৰা হয় ধুবুৰীত ৷
ধুবুৰী, 11 জুলাই : ধুবুৰীৰ ঐতিহাসিক কালিবাৰী সভাকক্ষত দেওবাৰে অনুষ্ঠিত হয় এখন গাম্ভীৰ্য্যপূৰ্ণ অনুষ্ঠান । ভাৰতীয় ইতিহাস সংকলন সমিতি, অসম আৰু ধুবুৰী জিলা সমিতিৰ উদ্যোগত কেন্দ্ৰীয় সমিতিৰ মুখপাত্ৰ "ইতিহাস বাৰ্তা" নামৰ ধুবুৰী জিলাৰ বিশেষ সংকলন সংখ্যাৰ আজি উন্মোচন কৰা হয় । অনুষ্ঠানত ভাৰতীয় ইতিহাস সংকলন সমিতিৰ সম্পাদক ডo চন্দ্ৰ শেখৰ উপাধ্যয়ৰ লগতে জিলা সমিতিৰ সভাপতি ডo দ্বীপেন্দ্ৰ কুমাৰ অধিকাৰীকে ধৰি জিলা সমিতিৰ আন বিষয়ববীয়াৰ উপস্থিতিত আজি আনুষ্ঠানিক ভাৱে উন্মোচন কৰা হয় ধুবুৰীৰ ইতিহাসৰ ওপৰত লিখি উলিওৱা ইতিহাস বাৰ্তা নামৰ বিশেষ সংখ্যাটি । উক্ত ইতিহাস বার্তাৰ সংখ্যাত বহু কেইজন লেখক লেখিকাই ধুবুৰীৰ ইতিহাস সম্পৰ্কে বিভিন্ন প্ৰবন্ধ প্ৰকাশ কৰিছে । যি ইতিহাসৰ এটা এটা পৃষ্ঠাই আজিৰ নৱ প্ৰজন্মক বিশেষ ভাবে সহায় কৰিব বুলি আশা প্ৰকাশ কৰে ভাৰতীয় ইতিহাস সংকলন সমিতিয়ে । আনহাতে জালিয়ানাবাগৰ হত্যাকাণ্ডৰ শতবৰ্ষ উপলক্ষে ৰাজ্যজুৰি অনুষ্ঠিত হব লগীয়া বক্তৃতানুষ্ঠানৰ আজি শুভাৰম্ভ কৰা হয় এই অনুষ্ঠানত ।