মানকাচৰত আমিনুল ইছলামৰ হৈ ৰণ ডংকা বজালে গৌৰৱ গগৈয়ে

মানকাচৰৰ জে এম উচ্চতৰ মাধ্যমিক বিদ্যালয় খেল পথাৰত অনুষ্ঠিত হোৱা নিৰ্বাচনী সভাত প্ৰাৰ্থী আমিনুল ইছলামৰ হৈ ৰণ ডংকা বজালে গৌৰৱ গগৈয়ে ৷ প্ৰদেশ কংগ্ৰেছৰ সভাপতি ৰিপুন বৰা, মেঘালয়ৰ প্ৰাক্তন মুখ্যমন্ত্ৰী মুকুল সাংমা, মানকাচৰৰ বিধায়ক ড৹ মতিউৰ ৰহমান মণ্ডলেও অংশ গ্ৰহণ কৰে এই সভাত ৷

ধুবুৰী, 4এপ্ৰিল: তৃতীয় পৰ্যায়ৰ নিৰ্বাচনৰ আজি অন্তিমটো দিন ৷ সমষ্টিয়ে সমষ্টিয়ে প্ৰাৰ্থী তথা ৰাজনৈতিক নেতাই চলাইছে ব্যাপক নিৰ্বাচনী প্ৰচাৰ ৷ মানকাচৰ সমষ্টিত অন্তিম দিনা প্ৰাৰ্থী আমিনুল ইছলামৰ হৈ নিৰ্বাচনী প্ৰচাৰ চলায় কংগ্ৰেছ সাংসদ গৌৰৱ গগৈ আৰু প্ৰদেশ কংগ্ৰেছৰ সভাপতি ৰিপুন বৰাই।

মানকাচৰৰ জে এম উচ্চতৰ মাধ্যমিক বিদ্যালয় খেল পথাৰত মহাজোঁটৰ প্ৰাৰ্থী আমিনুল ইছলামৰ হৈ চলোৱা নিৰ্বাচনী প্ৰচাৰত অংশ লয় মেঘালয়ৰ প্ৰাক্তন মুখ্যমন্ত্ৰী মুকুল চাংমা, মানকাচৰৰ বিধায়ক ড৹ মতিউৰ ৰহমান মণ্ডলেও ।

এই নিৰ্বাচনী সভাত সাংসদ গৌৰৱ গগৈয়ে বিজেপি আৰু অগপ দলক তীব্ৰ সমালোচনা কৰে ৷ এইবাৰ বিজেপি আৰু অসম জাতীয় পৰিষদক উৎখাত কৰি কংগ্ৰেছ দলৰ পক্ষত থিয় হ’বলৈ ভোটাৰ ৰাইজক আহ্বান জনায় সাংসদ গৌৰৱ গগৈয়ে ৷

লগতে পঢ়ক:হিমন্ত বিশ্ব শৰ্মা বিসম্বাদত পি এইচ ডি কৰা নেতা : গৌৰৱ গগৈ