পূৱ বিলাসীপাৰা,21 অক্টোবৰ : পূৱ বিলাসীপাৰাৰ চাপৰত ক্ৰমাৎ বৃদ্ধি পাইছে ড্ৰাগছ,নিচাযুক্ত দ্ৰব্য,গাঞ্জা আদি বিভিন্ন নিচাযুক্ত সামগ্ৰীৰ পয়োভৰ । চাপৰ ৰাজহ চক্ৰৰ বিভিন্ন স্থানত মুকলিভাৱে চলিছে নিচাযুক্ত দ্ৰব্যৰ ৰমৰমীয়া বেহা ৷
ইয়াৰ পৰিপ্ৰেক্ষিতত সোমবাৰে নিশা চাপৰৰ সত্যপুৰত ব্ৰাউন চুগাৰ জব্দ কৰাৰ পিছদিনাই অৰ্থাৎ মঙলবাৰে নিশা শালকোচা আৰক্ষীয়ে পুনৰ জব্দ কৰে 14 কিলোগ্ৰাম গাঞ্জা ।
চাপৰ থানাৰ ভাৰপ্ৰাপ্ত আৰক্ষী বিষয়া নীলমনি নাথে শালকোচা আৰক্ষীৰ সহযোগত সামৰাইপাৰা গাঁৱত অভিযান চলাই নীলকণ্ঠ নাথ নামৰ লোক এজনৰ ঘৰৰ পৰা গাঞ্জাখিনি জব্দ কৰিবলৈ সক্ষম হয় । লগতে আটক কৰে নীলকণ্ঠ নাথক ।
গাঞ্জাখিনি 48 হাজাৰ টকাত ক্ৰয় কৰাৰ লগতে ওদালগুৰিলৈ এই গাঞ্জা সৰবৰাহৰ চাঞ্চল্যকৰ স্বীকাৰোক্তি দিয়ে ধৃত গাঞ্জা ব্যৱসায়ী নীলকণ্ঠ নাথে ৷
লগতে পঢ়ক :নগাঁৱৰ কেন্দুগুৰিত পিষ্টল দেখুৱাই নগদ ধন কাঢ়ি নিলে দুৰ্বৃত্তই