বিলাসীপাৰাত বিধ্বংসী অগ্নিকাণ্ড, ভষ্মীভূত ১৪ খন ব্যৱসায়ীক প্ৰতিষ্ঠান

বিলাসীপাৰৰ ধীৰঘাটত পুৱতি নিশা সংঘটিত হয় অগ্নিকাণ্ডৰ ঘটনা । বৈদ্যুতিক চৰ্ট চাৰ্কিটৰ ফলত সংঘটিত হোৱা অগ্নিকাণ্ডত ১৪ খনকৈ ব্যৱসায়ীক প্ৰতিষ্ঠান সম্পূৰ্ণৰূপে যাহ যোৱাৰ লগতে অহত হয় এজন ব্যক্তি ৷

নিউজ ডেস্ক, 30 মাৰ্চ : বিলাসীপাৰাত বিধ্বংসী অগ্নিকাণ্ড ৷ বিলাসীপাৰা মহকুমাৰ চাপৰৰ ধীৰঘাটত পুৱতি নিশা সংঘটিত হয় অগ্নিকাণ্ডটো ৷ অগ্নিকাণ্ডত গুৰুতৰভাৱে আহত এজন ব্যক্তি ৷

পুৱতি নিশা সূত্ৰপাত হোৱা অগ্নিকাণ্ডত 14 খনকৈ ব্যৱসায়িক প্ৰতিষ্ঠান জাহ যোৱাৰ লগতে বিস্ফোৰণ ঘটে 5 টাকৈ গেছ চিলিণ্ডাৰৰ ৷ এই অগ্নিকাণ্ডত গুৰুতৰভাৱে আহত হয় শ্ৰীগ্ৰাম ষষ্ঠ খণ্ডৰ সহিদুল ইছলাম নামৰ ব্যৱসায়ী এজন ৷ বৈদ্যুতিক চৰ্ট চাৰ্কিটৰ ফলত অগ্নিকাণ্ডৰ সূত্ৰপাত হোৱা বুলি সন্দেহ কৰিছে স্থানীয় ৰাইজে ৷ অগ্নিকাণ্ডত প্ৰায় 35 লক্ষাধিক টকাৰ সা-সম্পত্তি জাহ যোৱা বুলি জানিব পৰা গৈছে ৷

আনহাতে,অগ্নিকাণ্ডত আহত ব্যৱসায়ী জনক ততাতৈয়াকৈ চাপৰ চিকিৎসালয়ত ভৰ্তি কৰোৱা হয় যদিও পৰৱৰ্তী সময়ত উন্নত চিকিৎসাৰ বাবে তেওঁক গোৱালপাৰা অসামৰিক চিকিৎসালয় লৈ প্ৰেৰণ কৰা হয় ।