ৰাজ্যত আকৌ বিদ্যুত বিভাগৰ মৰণ ফান্দ

কথমপি প্ৰাণ ৰক্ষা এখন গাঁৱৰ ৰাইজৰ

পূৱ বিলাসীপাৰা,7 মে’ : পূৱ বিলাসীপাৰাৰ চাপৰৰ বহলপুৰৰ নাথপাৰাত মঙ্গলবাৰে 31 নং ৰাষ্ট্ৰীয় ঘাইপথ অৱৰোধ কৰে শতাধিক পুৰুষ মহিলাই ৷ অৱৰোধৰ ফলত 31 নং ৰাষ্ট্ৰীয় ঘাইপথত তীব্ৰ যান-যঁটৰ সৃষ্টি হয় । মূলত: বিদ্যুতৰ ১১০০ H T তাঁৰ L T তাঁৰত ছিগি পৰাৰ ফলত নাথপাৰা গাঁৱত থকা ৰাইজৰ বিদ্যুতৰ সা-সামগ্ৰী জ্বলি যায় আৰু বিদ্যুৎপৃষ্ট হৈ বহু কেইজন লোক কম বেছি পৰিমাণে আহত হয় । ৰাইজৰ অভিযোগ যে বিদ্যুতৰ তাঁৰ সমূহৰ ম্যাদ ওকলা আৰু সলনি নকৰাৰ বাবে এই ঘটনাটো সংঘটিত হয় ।

আৰু পঢ়ক: মৰিগাঁৱত পবিত্ৰ ৰমজানৰ এমহীয়া ব্ৰত পালন আৰম্ভ

পিছত ঘটনাস্থলীত চাপৰ চক্ৰ বিষয়া, চাপৰ আৰক্ষী, চাপৰ বিদ্যুত বিভাগৰ বিষয়াসকল উপস্থিত হৈ ৰাইজৰ দাবী সমূহ পুৰণ কৰা হ’ব বুলি লিখিত প্ৰতিশ্ৰুতি দিয়াত ৰাইজে পথ অৱৰোধৰ কাৰ্যসূচী উঠাই লয় ৷