চাপৰত নিৰ্বাচনী হিংসা

এআইইউডিএফৰ প'ষ্টাৰ ফলাক কেন্দ্ৰ কৰি চাপৰত নিৰ্বাচনী হিংসা ৷ বিজেপি আৰু মহাজোঁটৰ সমৰ্থকৰ মাজত কাজিয়াৰ সূত্ৰপাত ৷ উভয় পক্ষৰ এজাহাৰ দাখিল ৷

পূৱ বিলাসীপাৰা,6 এপ্ৰিল:এআইইউডিএফ দলৰ নিৰ্বাচনী প'ষ্টাৰ ফালি বিজেপি দলৰ প'ষ্টাৰ লগোৱাক কেন্দ্ৰ কৰি 4 এপ্ৰিলত বিলাসীপাৰা পূৱ সমষ্টিত বিজেপি আৰু মহাজোঁট দলৰ সমৰ্থকৰ মাজত তীব্ৰ কাজিয়াৰ সূত্ৰপাত ঘটে ৷

ঘটনাৰ বিৱৰণী অনুসৰি বহলপুৰৰ মৌখোৱা গাঁৱত এঘৰ লোকৰ ঘৰৰ বেৰত এআইইউডিএফ দলৰ নিৰ্বাচনী প'ষ্টাৰ ফালি বিজেপি দলৰ প'ষ্টাৰ লগোৱাৰ পাছতে দুয়ো পক্ষৰ সমৰ্থকৰ মাজত তীব্ৰ কাজিয়াৰ সূত্ৰপাত ঘটে ৷ ঘটনা পাছলৈ মাৰপিটলৈ ৰূপান্তৰ হোৱাত এক উত্তপ্ত পৰিস্থিতিৰ উদ্ভৱ হয় ৷

জানিব পৰা মতে, দুয়োপক্ষই উভয়ৰ বিপক্ষে চাপৰ থানাত এজাহাৰ দাখিল কৰাৰ লগতে সোমবাৰে মহাজোঁট দলৰ সমৰ্থক সকলে দোষীক কৰায়ত্ব কৰাৰ দাবীৰে প্ৰতিবাদ সাব্যস্ত কৰে ৷

লগতে পঢ়ক:বিপিএফ প্ৰাৰ্থী প্ৰমিলা ৰাণী ব্ৰহ্মৰ বাসগৃহত উত্তপ্ত পৰিস্থিতি