ধুবুৰী,27 এপ্ৰিলঃ লক ডাউনৰ সময়ত নিজ কৰ্তব্যত নিয়োজিত হৈ থকাৰ মাজতেই পলমকৈ হ’লেও ৰঙালীক আদৰিলে ধুবুৰী আৰক্ষীয়ে ৷ ধুবুৰী জিলা উপ-আৰক্ষী অধীক্ষক ত্ৰিনয়ন ভূঞা আৰু কেইবাটাও আৰক্ষী থানাৰ বিষয়াই ৰাজপথতে এপাক বিহু নাচি কামৰ মাজতেই ৰঙালীৰ আনন্দ উপভোগ কৰে ৷ সমান্তৰালকৈ আৰক্ষীৰ সৈতে ধুবুৰীৰ সংবাদকৰ্মী সকলেও একেলগে বহুগীত পৰিৱেশন কৰে ৷ আৰক্ষীয়ে সংবাদকৰ্মী সকলক একোখনকৈ ফুলাম গামোচাৰে আদৰাৰ লগতে সংবাদকৰ্মী সকলেও আৰক্ষী বিষয়া আৰু জোৱান সকলক এখনি ফুলাম গামোচাৰে আদৰণি জনায় ৷
কৰ্তব্যৰ মাজতে ৰাজপথত বিহু মাৰিলে ধুবুৰী আৰক্ষীয়ে