Drugs Disposal in Dhuburi: ধুবুৰীত ডেৰ কোটি টকাৰ ড্ৰাগছ দাহ

শনিবাৰে সমগ্ৰ দেশতে আৰক্ষী তথা NCB (Narcotics Control Bureau)য়ে বিভিন্ন সময়ত বিভিন্ন স্থানত জব্দ কৰা নিচাযুক্ত দ্ৰব্য দাহন তথা বিনষ্ট কৰাৰ কাৰ্যসূচী গ্ৰহণ কৰে (Seized Drugs disposal all over India) । গৃহ মন্ত্ৰালয়ৰ নিৰ্দেশক্ৰমে প্ৰতিখন ৰাজ্যতে ৰূপায়ণ কৰা এই কাৰ্যসূচীৰ অংশ হিচাবে অসমত ৰাজহুৱাভাৱে নিচাযুক্ত দ্ৰব্য বিনষ্ট কৰা হৈছে (Home Ministry initiative to disposed seized drugs) । ধুবুৰীতো প্ৰশাসনে দাহ কৰিলে কোটি টকা মূল্যৰ নিচাজাতীয় সামগ্ৰী ।

ধুবুৰী,৩১ জুলাই:সমগ্ৰ দেশজুৰি শনিবাৰে দাহন কৰা হয় NCB (Narcotics Control Bureau) তথা আৰক্ষীয়ে বিভিন্ন সময়ত জব্দ কৰা ড্ৰাগছ তথা নিচাজাতীয় সামগ্ৰী (Seized Drugs burnt all over India) । দেশ তথা ৰাজ্যৰ বিভিন্ন প্ৰান্তৰ সমান্তৰালভাৱে ধুবুৰীতো দাহ কৰা হয় বিভিন্ন সময়ত জব্দ কৰা ড্ৰাগছ তথা নিচাজাতীয় সামগ্ৰী(Drugs Disposal in Dhuburi) ।

ধুবুৰী জিলা আৰক্ষী অধীক্ষকৰ উপস্থিতিত দাহ কৰা হয় নিচাজাতীয় কফছিৰাফ, টেবলেট, ব্ৰাউন ছুগাৰ আৰু গাঞ্জা আদি বিভিন্ন প্ৰকাৰৰ নিষিদ্ধ ড্ৰাগছ আৰু গাঞ্জা । বিগত এটা বছৰে জব্দ কৰা প্ৰায় ১.৫ কোটি টকাৰ ড্ৰাগছ আৰু গাঞ্জা শনিবাৰে দাহ কৰে আৰক্ষীয়ে । ড্ৰাগছ দাহন কাৰ্যসূচীত উপস্থিত থাকি আৰক্ষী অধীক্ষকগৰাকীয়ে উল্লেখ কৰে যে ড্ৰাগছৰ বিৰুদ্ধে সকলো সজাগ হ'বৰ হ'ল ।

ড্ৰাগছ আসক্তসকলক চিকিৎসা কৰিব লাগে আৰু বিক্ৰেতা সকলক আৰক্ষীক গতাই দিবলৈ আহ্বান জনাই আৰক্ষী অধীক্ষক গৰাকীয়ে । লগতে তেওঁ কয় যে, ড্ৰাগছ মাফিয়া তথা ড্ৰাগছ পেডলাৰৰ টাৰ্গেট হৈছে স্কুল কলেজীয়া শিক্ষাৰ্থীসকল । যি অতি ভয়াৱহ । কিন্তু এনে মাৰাত্মক ড্ৰাগছৰ প্ৰচলন বন্ধ কৰাৰ ক্ষেত্ৰত সমাজৰ ব্যক্তিসকল আগুৱাই আহিব লাগিব । সংবাদ মাধ্যমেও সহযোগ কৰিব লাগিব । কেৱল আৰক্ষীয়ে ড্ৰাগছ বন্ধ কৰিব নোৱাৰে । ড্ৰাগছৰ প্ৰচলন ৰোধ কৰাত সকলোৰে সহযোগিতা আহ্বান কৰে আৰক্ষী অধীক্ষকগৰাকীয়ে ।

লগতে পঢ়ক:Pijush Hazarika criticizes Aminul Islam : আমিনুল ইছলাম ভাৰত বিৰোধী মানুহ: পীযুষ হাজৰিকা