ধুবুৰী,19 ফেব্ৰুৱাৰী: সদৌ অসম জিলা প্ৰশাসন কৰ্মচাৰী সন্থাৰ আহ্বানত ধুবুৰী জিলা প্ৰশাসন কৰ্মচাৰী সন্থাই বৃহস্পতিবাৰৰ পৰা দুদিনীয়া কাৰ্যসূচীৰে অসহযোগ আন্দোলন আৰম্ভ কৰিছে । অসহযোগ আন্দোলনৰ ফলত একপ্ৰকাৰ স্তব্ধ হৈ পৰিছে জিলা উপায়ুক্তৰ কাৰ্যালয়ৰ লগতে আন বিভিন্ন প্ৰশাসনিক কাৰ্যালয়সমূহ। কোনো এটা কাৰ্যালয়তে নাই এজনো কৰ্মচাৰী, প্ৰতিটো কোঠাত ওলমিছে তলা ৷
ধুবুৰীত জিলা প্ৰশাসন কৰ্মচাৰী সন্থাৰ আন্দোলন উল্লেখ্য যে, জিলা প্ৰশাসনিক কৰ্মচাৰী সকলৰ গ্ৰেড পে প্ৰদানৰ লগতে পুৰণি পেঞ্চন নীতি বাহাল ৰখাকে আদি কৰি মুঠ চৈধ্য দফীয়া দাবীৰ ভিত্তিত দীর্ঘদিনে প্ৰশাসন কৰ্মচাৰী সন্থাৰ ধাৰাবাহিক আন্দোলন চলি আহিছে যদিও চৰকাৰে আজিলৈকে কোনো গুৰুত্ব প্ৰদান কৰা নাই । যাৰ ফলত নিৰ্বাচনৰ পূৰ্বে কৰ্মচাৰী সন্থাৰ দাবীসমূহ পূৰণৰ দাবীৰে দুদিনীয়া অসহযোগ আন্দোলন আৰম্ভ কৰিছে।
ধুবুৰীত জিলা প্ৰশাসন কৰ্মচাৰী সন্থাৰ আন্দোলন লগতে পঢ়ক:ৰাজ্যৰ বিভিন্ন প্ৰান্তত মধ্যাহ্ন ভোজন কৰ্মচাৰী সন্থাৰ প্ৰতিবাদ
