ধুবুৰীত তুংগত উঠিছে তৃতীয় পৰ্যায়ৰ নিৰ্বাচনী সভা

ধুবুৰীৰ তৃণমূল কংগ্ৰেছৰ প্ৰাৰ্থী নুৰুল ইছলামে ঠাইয়ে ঠাইয়ে চলাইছে নিৰ্বাচনী প্ৰচাৰ

ধুবুৰী,১৬ এপ্ৰিলঃ তৃতীয় পৰ্যায়ৰ নিৰ্বাচনলৈ আৰু কেইটামান দিন বাকী। সকলো প্ৰাৰ্থী ব্যস্ত এতিয়া নিৰ্বাচনী প্ৰচাৰত। ধুবুৰীতো তীব্ৰতৰ হৈ উঠিছে তৃণমূল কংগ্ৰেছৰ প্ৰাৰ্থী নুৰুল ইছলাম চৌধুৰীৰ প্ৰচাৰ অভিযান। ধুবুৰীৰ ঠাইয়ে ঠাইয়ে গৈ প্ৰচাৰ অভিযান চলাইছে তৃণমূল কংগ্ৰেছৰ প্ৰাৰ্থীজনে। প্ৰাৰ্থীগৰাকীৰ হৈ কিছুদিন পূৰ্বে পশ্চিমবংগৰ মুখ্যমন্ত্ৰী তথা অগ্নি কন্যা মমতা বেনাৰ্জীয়ে ধুবুৰীত নিৰ্বাচনী প্ৰচাৰ চলাই যোৱাৰ পাছতেই এইবাৰ নিজৰ জনমত গঠনৰ বাবে ঠায়ে ঠায়ে চলাই আছে নিৰ্বাচনী সভা।

সোমবাৰে মানকাচৰত প্ৰাৰ্থী গৰাকীয়ে দলে বলে আয়োজন কৰে নিৰ্বাচন সভা। ইফালে উক্ত সভাত ৰাইজৰ উপস্থিতি সেৰেঙা আছিল যদিও সভাস্থলীত বিজেপি কংগ্ৰেছ এ আই ইউ ডি এফ সকলো দলকে এফালৰ পৰা সমালোচনা কৰে প্ৰাৰ্থীগৰাকীয়ে ।