ধুবুৰীত সন্ধানহীন দশম শ্ৰেণীৰ ছাত্ৰ

টিপকাই নৈত গা ধুবলৈ গৈ ধুবুৰীৰ জুৱেৰ হুছেইন ওৰফে ৰুহুল আমিন নামৰ এজন যুৱক সন্ধানহীন হয় । এন.ডি.আৰ.এফ.বাহিনী তথা এছ.ডি.আৰ.এফ. বাহিনীয়ে বৰ্তমানলৈ আৰম্ভ কৰা নাই উদ্ধাৰ অভিযান ।

ধুবুৰী,২০জুলাই : ৰাজ্যত বানৰ বাবে ভয়ংকৰ পৰিস্থিতিৰ সৃষ্টি হোৱাৰ সময়তে ধুবুৰীত সংঘটিত হয় এক অঘটন । ধুবুৰীৰ পানবাৰীত সন্ধানহীন হয় এজন দশম শ্ৰেণীৰ ছাত্ৰ । দিনৰ প্ৰায় ডেৰ মান বজাত আলমগঞ্জ অষ্টম খণ্ড গাঁৱৰ আব্দুল মোতালেবৰ পুত্ৰ জুৱেৰ হুছেইন ওৰফে ৰুহুল আমিন নামৰ এজন যুৱক গৈছিল টিপকাই নৈত গা ধুবলৈ । কিন্তু গা ধুই থাকোতেই হঠাৎ সন্ধানহীন হয় কিশোৰটি । ইফালে, এই ঘটনা সংঘটিত হোৱাৰ পাছতেই স্থানীয় লোকে জিলা প্ৰশাসনক খবৰ দিয়ে যদিও এন.ডি.আৰ.এফ.বাহিনী তথা এছ.ডি.আৰ.এফ. বাহিনীয়ে বৰ্তমানলৈ আৰম্ভ কৰা নাই উদ্ধাৰ অভিযান । যাৰ বাবে অঞ্চলটোত সৃষ্টি হয় তীব্ৰ উত্তেজনাৰ ।