ধুবুৰী,21 নৱেম্বৰ:সমগ্ৰ দেশজুৰি এন আৰ চি প্ৰযোজ্য হ'ব আৰু ১৯৫১ক ভিত্তি বৰ্ষ হিচাপে লোৱা হ'ব বুলি ৰাজ্য সভাৰ মজিয়াত কেন্দ্ৰীয় বিত্ত মন্ত্ৰী অমিত শ্বাহে উত্থাপন কৰাৰ সমান্তৰাল কৈ ১৯৭১ ৰ ২৫ মাৰ্চ ভিত্তিবৰ্ষ লৈ অসমত হৈ যোৱা এন আৰ চি গ্ৰহণযোগ্য নহয় আৰু অসমতো ১৯৫১ চন ভিত্তি বৰ্ষ লৈ নতুনকৈ এন আৰ চি হ'ব বুলি ঘোষণা কৰাৰ পিছতেই ৰাজ্যজুৰি প্ৰতিক্ৰিয়াৰ সৃষ্টি হৈছে। এনে সময়তে এই ঘোষণাক আদৰণি জনাইছে ৰাজ্যৰ ভাষিক সংখ্যালঘু পৰিষদে ।
দেওবাৰে ধুবুৰী জিলা পুথিভঁৰাল প্ৰেক্ষাগৃহত অনুষ্ঠিত ভাষিক সংখ্যালঘু পৰিষদৰ এখন অনুষ্ঠানত উপস্থিত হৈ সংবাদ মাধ্যমৰ আগত এন আৰ চি প্ৰসংগত কেন্দ্ৰৰ সিদ্ধান্তক সমৰ্থন আগবঢ়োৱাৰ লগতে সদৌ অসম ছাত্ৰ সন্থাক সমালোচনাৰ লক্ষ্য কৰি লয় ভাষিক সংখ্যালঘু পৰিষদৰ উপ সভাপতি ৰাম কৃষ্ণ ঘোষে। তেওঁ কয় যে,আছুৱে এন আৰ চিক লৈ ইমান দিনে ৰাজনীতি কৰি আহিছে ৷ ইয়াৰ উপৰি আছুৱে অসমত লাখ লাখ বিদেশী থকা বুলি কৈ নষ্ট কৰি আহিছে পৰিৱেশ । লগতে নেতা গৰাকীয়ে কয় যে,দেশৰ স্বাধীনতাৰ সময়ত ভাষিক সংখ্যালঘু লোকৰ যথেষ্ট অৱদান আছে কিন্তু আছুৱে সেইবোৰ নাজানে। লগতে আছুক সৰু কেঁচুৱা বুলি সমালোচনা কৰে নেতাগৰাকীয়ে। আনকি আছু কাৰোবাৰ হাতত বিক্ৰী হৈছে বুলিও সংবাদ মাধ্যমৰ আগত সমালোচনা কৰে ভাষিক সংখ্যালঘু নেতা গৰাকীয়ে ।
লগতে পঢ়ক:গছ নকটাকৈ দলঙ নিৰ্মাণৰ আহ্বান অৰণ্য মানৱ যাদৱ পায়েঙৰ
