নকল সোণ সহ গৌৰীপুৰ আৰক্ষীৰ জালত দুই সৰবৰাহকাৰী

নকল সোণৰ কাৰবাৰৰ সৈতে জড়িত থকাৰ অভিযোগত সুশান্ত প্ৰধানৰ লগতে সোনামালা ঠাকুৰ নামৰ মহিলা গৰাকীক আটক কৰাৰ লগতে বৃহৎ পৰিমাণৰ নকল সোণ জব্দ কৰে ধুবুৰী আৰক্ষীয়ে ৷ ধৃত সৰবৰাহকাৰীজনৰ ঘৰ কলকাতাত ৷

ধুবুৰী , 14 অক্টোবৰঃ ধুবুৰী জিলাৰ গৌৰীপুৰত আৰক্ষীৰ অভিযানত বৃহৎ পৰিমাণৰ নকল সোণসহ আটক দুগৰাকী ব্যক্তি ৷ গৌৰীপুৰ আৰক্ষী থানাৰ আৰক্ষী বিষয়া মনোজ নেৱাৰৰ নেতৃত্বত আৰক্ষীৰ দলে গৌৰীপুৰৰ বেপাৰী পট্টিত অতৰ্কিতে অভিযান চলাই এগৰাকী মহিলাসহ দুজন ব্যক্তিক আটক কৰে ৷ নকল সোণৰ কাৰবাৰৰ সৈতে জড়িত থকাৰ অভিযোগত সুশান্ত প্ৰধানৰ লগতে সোনামালা ঠাকুৰ নামৰ মহিলা গৰাকীক আটক কৰাৰ লগতে জব্দ কৰে বৃহৎ পৰিমাণৰ সোণ আৰু বিভিন্ন নথি পত্ৰ ৷ উল্লেখ্য যে , ধৃত সৰবৰাহকাৰী সুশান্ত প্ৰধানৰ ঘৰ কলকাতাত আৰু সোনামালা ঠাকুৰ নামৰ ধৃত মহিলা গৰাকীৰ ঘৰ ধুবুৰী চহৰত ।

লগতে পঢ়কঃএ আই ইউ ডি এফৰ কাৰ্যালয়ৰ ভিতৰত প্ৰচাৰ চলালে বিজেপি প্ৰাৰ্থী তৌফিকুৰ ৰহমানে