মানৱ সেৱাৰ বাবে ৰাজপথত নামিল আৰক্ষী অধীক্ষকৰ পত্নী

ধুবুৰীৰ আৰক্ষী অধীক্ষক আনন্দ মিশ্ৰৰ পত্নী অৰ্চনা তিৱৰীৰ পৰিচালনাত ‘পৰিকল্পনা’ নামৰ ৰাষ্ট্ৰীয় পৰ্যায়ৰ বেচৰকাৰী স্বেচ্ছাসেৱী সংস্থাটোৱে ধুবুৰীৰ দৰিদ্ৰ শ্ৰেণীৰ লোক সকলক সময়ে সময়ে অন্ন-বস্ত্ৰ, ঔষধ আদি বিতৰণ কৰি আহিছে ৷

ধুবুৰী, 22 ফেব্ৰুৱাৰী: ধুবুৰীত টিম পৰিকল্পনাৰ সমাজ সেৱা ৷ ধুবুৰীৰ আৰক্ষী অধীক্ষক আনন্দ মিশ্ৰৰ পত্নী অৰ্চনা তিৱৰীৰ পৰিচালনাত ‘পৰিকল্পনা’ নামৰ ৰাষ্ট্ৰীয় পৰ্যায়ৰ বেচৰকাৰী স্বেচ্ছাসেৱী সংস্থাটোৱে ধুবুৰীৰ দৰিদ্ৰ শ্ৰেণীৰ লোক সকলক সময়ে সময়ে অন্ন-বস্ত্ৰ, ঔষধ আদি বিতৰণ কৰি আহিছে ৷

ইয়াৰ উপৰিও এই সংস্থাই জিলাখনৰ যুৱচামৰ মাজত ড্ৰাগছৰ বিৰুদ্ধে সজাগতা সৃষ্টিৰ ক্ষেত্ৰতো বিশেষ পদক্ষেপ গ্ৰহণ কৰিছে ৷ ইয়াৰ মাজতেই দেওবাৰে নিশা ধুবুৰীৰ ৰে’ল ষ্টেচনৰ পৰা এগৰাকী মানসিক বিকাৰগ্ৰস্ত বৃদ্ধাক উদ্ধাৰ কৰি পৰিকল্পনাৰ সদস্য সকলে আৰক্ষীৰ সহায়ত ধুবুৰীৰ অসামৰিক চিকিৎসালয়লৈ নি চিকিৎসা প্ৰদানৰ ব্যৱস্থা কৰে ।

বৃদ্ধা গৰাকীক নিশা ধুবুৰীৰ ফলিমাৰীত অৱস্থিত ‘ছায়া হোমত’ ৰখাৰো ব্যৱস্থা কৰে টিম পৰিকল্পনাই । পৰিকল্পনাৰ এই পদক্ষেপক বিশেষভাৱে শলাগিছে ধুবুৰীৰ সচেতন ৰাইজে ৷

লগতে পঢ়ক-মাজুলীৰ মধ্য কমলাবাৰী সত্ৰৰ সত্ৰাধিকাৰ হেমকান্ত গোস্বামীৰ দেহাৱসান