পূৱ বিলাসীপাৰা,3 মে’ঃ ৰাজ্য চৰকাৰৰ নেতৃত্বত অব্যাহত আন্তঃজিলা যাতায়াতৰ দেওবাৰে অন্তিম দিন ৷ ইয়াৰ বাবে প্ৰয়োজনীয় ই-পাছৰ অবৈধ পোহাৰ মেলিছে ৰাজ্যৰ একাংশ দুষ্টচক্ৰই ৷ ধুবুৰী জিলাৰ চাপৰৰ বহলপুৰত সংঘটিত এনে ভয়ংকৰ কাণ্ডৰ তথ্য শনিবাৰে সংবাদমেলযোগে সদৰী কৰে জিলাখনৰ অতিৰিক্ত উপায়ুক্ত চৰফৰাছ হকে ৷ হকে সদৰী কৰা অনুসৰি জিলাখনত এটা অসাধু চক্ৰই ই-পাছৰ নামত চলাইছে ৰমৰমীয়া বেহা ৷ ইতিমধ্যে ভুৱা ই-পাছ ব্যৱহাৰ কৰা পাঁচখন বাহনৰ বিৰুদ্ধে এজাহাৰ দাখিল কৰিছে ধুবুৰী জিলা প্ৰশাসনে ৷ তদুপৰি বাহনসমূহৰ চালক আৰু যাত্ৰীৰ নামতো প্ৰশাসনে পৃথকে দাখিল কৰে এজাহাৰ । উক্ত এজাহাৰৰ ভিত্তিত আৰক্ষীয়ে পাঁচজন ব্যক্তিক আটক কৰি ন্যায়িক জিম্মালৈ প্ৰেৰণ কৰিছে ।
ভুৱা ই-পাছৰ বেহা