ধুবুৰীত শোকাৱহ পথ দুৰ্ঘটনাত নিহত 10 বছৰীয়া শিশু

ধুবুৰীৰ হালাকুৰা বজাৰৰ ৩১ নং ৰাষ্ট্ৰীয় ঘাইপথত শনিবাৰে সন্ধিয়া সংঘটিত এক পথ দুৰ্ঘটনাত এগৰাকী দহ বছৰীয়া শিশুৰ মৃত্যু হয় ৷

ধুবুৰী,5অক্টোবৰঃধুবুৰীৰ ৩১ নং ৰাষ্ট্ৰীয় ঘাইপথত অঘটন ৷ শনিবাৰে সন্ধিয়া সংঘটিত এক পথ দুৰ্ঘটনাত এটি10 বছৰীয়া শিশুৰ মৃত্যু হয় | হালাকুৰাত দুৰ্গা পূজা উপভোগ কৰি চাইকেলেৰে ঘৰলৈ গৈ থাকোতে AS 17B 6551 নম্বৰৰ শিশুটিক মহতিয়াই নিয়াৰ লগতে লগৰ আন দুখন চাইকেলত খুন্দা মাৰে ৷ ফলত আৰসাদ আলি নামৰ শিশুটিৰ ঘটনাস্থলীতে মৃত্যু হয় ৷

আনহাতে ছাদ্দাম আলি আৰু নিকুল সেখ গুৰুতৰ ভাৱে আহত হয় ৷ স্থানীয় ৰাইজে ততালিকে দুয়োকে হালাকুৰা সমুহীয়া স্বাস্থ্য কেন্দ্ৰত ভৰ্তি কৰায় ৷ তিনিওৰে ঘৰ বিদ্যাৰডাবৰী ২য় খণ্ড গাঁৱত ৷ ইফালে শুকুৰবাৰে নিশাও হালাকুৰাত পথ দুৰ্ঘটনাত সঞ্জয় সাহা নামৰ এগৰাকী লোকৰ মৃত্যু হৈছিল ৷ পূজাৰ আৰম্ভণিতে দুটাকৈ পথ দুৰ্ঘটনাত দুজনৰ মৃত্যু হোৱা ঘটনাই অঞ্চলটোত শোকৰ ছাঁ পেলাইছে ৷