ধুবুৰী, 7 চেপ্টেম্বৰ: অসম চৰকাৰে কোচ-ৰাজবংশীসকলৰ দীৰ্ঘদিনীয়া দাবী আৰু আক্রাছুৰ দীৰ্ঘদিনীয়া আন্দোলনৰ পিছত কমতাপুৰ স্বায়ত্ব শাসিত পৰিষদ গঠনৰ প্ৰস্তাৱ গৃহীত কৰে । অসম চৰকাৰে অসম বিধানসভাৰ অধিৱেশনত উক্ত প্ৰস্তাৱ গৃহীত কৰাৰ পিছতেই উৎফুল্লিত কোচ-ৰাজবংশী লোকসকল । যদিও বিটিচিকে ধৰি অসমৰ বিভিন্ন প্ৰান্তত সিঁচৰতি হৈ থকা কোচ-ৰাজবংশী লোকসকল কিছু পৰিমানে শংকিত হৈছে ।
তেনে সময়তে বিটিচি তথা অসমৰ আন আন প্ৰান্তৰ ৰাজবংশীসকল শংকিত হোৱাৰ প্ৰয়োজন নাই বুলি সোমবাৰে মন্তব্য কৰিছে আক্রাছুৰ কৰ্মেশ্বৰ ৰায় নেতৃত্বাধীন গোটৰ সাধাৰণ সম্পাদক জীৱেশ ৰায়ে । ধুবুৰী জিলাৰ ভাৰত-বাংলাদেশ সীমান্তৰ লক্ষীমাৰীত অনুষ্ঠিত হোৱা আক্রাছুৰ এখন প্ৰতিনিধি সভাত অংশগ্ৰহণ কৰাৰ পিছত উষ্ম আদৰণি জনোৱা হয় জীৱেশ ৰায়ক । উক্ত কাৰ্যসূচীত অংশগ্ৰহণ কৰি এই মন্তব্য কৰে জীৱেশ ৰায়ে ।
কোচ ৰাজবংশীসকল শংকিত হোৱাৰ প্ৰয়োজন নাই : আক্রছু নেতা জীবেশ ৰায়