ধুবুৰী, 3 জুন: ৰাজ্যৰ অন্য জিলাৰ লগতে ধুবুৰী জিলাতো ক্ৰমাৎ বৃদ্ধি পাইছে কৰ’ণা ভাইৰাছত আক্ৰান্ত ৰোগীৰ সংখ্যা । বুধবাৰে স্বাস্থ্য মন্ত্ৰী ড৹ হিমন্ত বিশ্ব শৰ্মাই ধুবুৰীত 38 গৰাকী লোক Covid 19ত আক্ৰান্ত হোৱা বুলি টুইটাৰত সদৰী কৰিছিল । তাৰপিছত পুনৰ জিলাখনত 28 জন লোক ভাইৰাছবিধত আক্ৰান্ত হোৱাৰ কথা টুইটাৰযোগে সদৰী কৰে মন্ত্ৰী শৰ্মাই ৷ ইতিমধ্যে জিলা প্ৰশাসন আৰু স্বাস্থ্য বিভাগৰ ফালৰ পৰা আটাইকেইজন আক্ৰান্তক চিকিৎসালয়ত ভৰ্তি কৰাৰ ব্যৱস্থা গ্ৰহণ কৰা হৈছে ৷
বৃদ্ধি কৰ’ণা ভাইৰাছত আক্ৰান্তৰ সংখ্যা
উল্লেখ্য যে,জিলাখনত বুধবাৰৰ দিনটোত সৰ্বাধিক 66 গৰাকী লোক আক্ৰান্ত হোৱাৰ ঘটনাই একপ্ৰকাৰৰ আতংকৰ সৃষ্টি কৰিছে ৷ বৰ্তমান ধুবুৰীত আক্ৰান্তৰ সংখ্যা হৈছে 123 গৰাকী ৷ ইয়াৰে 5 গৰাকী লোক পূৰ্বে সুস্থ হৈ ঘৰলৈ উভটিছে ৷ আনহাতে,90 জন ৰোগী বৰ্তমান চিকিৎসাধীন অৱস্থাত আছে ৷