ধুবুৰীত পেট্ৰল পাম্প স্থাপনৰ বিৰুদ্ধে কংগ্ৰেছৰ প্ৰতিবাদ

ধুবুৰীত পেট্ৰল পাম্প স্থাপনৰ বিৰুদ্ধে কংগ্ৰেছৰ প্ৰতিবাদ ৷ সত্তৰৰ দশকত স্থাপন হোৱা অসম ৰাজ্যিক পৰিবহণ বিভাগৰ বাছ আস্থানটো অবিভক্ত গোৱালপাৰা জিলাৰ বহিঃবিশ্বৰ সৈতে যোগাযোগৰ একমাত্ৰ মাধ্যম আছিল ৷ কিন্তু এতিয়া কাগজ কলমতেই ৰৈ যোৱা বাছ আস্থানটো অসম ৰাজ্যিক পৰিবহণ বিভাগ আৰু হিন্দুস্থান পেট্ৰলিয়াম কৰ্তৃপক্ষৰ সৈতে হোৱা বুজা বুজি চুক্তিৰ ভিত্তিত পৰিণত হ’বলৈ ওলাইছে হিন্দুস্থান পেট্ৰল পাম্পত ৷

ধুবুৰী, 7 চেপ্তেম্বৰঃঐতিহাসিক সাক্ষ্য বহন কৰা নামনি অসমৰ এএছটিচি বাছ আস্থানত হ’বলৈ গৈ আছে হিন্দুস্থান পেট্ৰল পাম্প ৷ যোৱা কিছুদিন ধৰি পূৰ্ণ গতিত চলিছে পেট্ৰ’ল পাম্পৰ নির্মাণ কাৰ্য ৷ সত্তৰৰ দশকত স্থাপন হোৱা অসম ৰাজ্যিক পৰিৱহণ বিভাগৰ বাছ আস্থানটো অবিভক্ত গোৱালপাৰা জিলাৰ বহিঃবিশ্বৰ সৈতে যোগাযোগৰ একমাত্ৰ মাধ্যম আছিল ৷ কিন্তু এতিয়া কাগজ কলমতেই ৰৈ যোৱা বাছ আস্থানটো ৷ অসম ৰাজ্যিক পৰিবহণ বিভাগ আৰু হিন্দুস্থান পেট্ৰলিয়াম কৰ্তৃপক্ষৰ সৈতে হোৱা বুজা বুজি চুক্তিৰ ভিত্তিত পৰিণত হ’বলৈ ওলাইছে হিন্দুস্থান পেট্ৰল পাম্পত ৷ ওচৰৰ শিক্ষানুষ্ঠান আৰু ধুবুৰী সাহিত্য সভাৰ লগতে স্থানীয় ৰাইজ আৰু ৱাৰ্ড কমিছনাৰৰ বাধাক নেওচি পূৰ্ণ গতিত চলি গৈছে পেট্ৰল পাম্পৰ নিৰ্মাণ কাৰ্য ৷

ইয়াৰ বিৰুদ্ধে প্ৰথমৰ পৰাই প্ৰতিবাদ অব্যাহত থকাৰ পিছতো ধুবুৰীৰ বিজেপি বিধায়ক অশ্বিনী ৰায় সৰকাৰ, জিলা উপায়ুক্ত আৰু ধুবুৰী পৌৰসভাই প্ৰতিবাদী কণ্ঠক আওকাণ কৰিছে ৷ ফলত শনিবাৰে একাংশ কংগ্ৰেছ কৰ্মীয়ে এএছটিচি বাছ আস্থানৰ সন্মুখত ধৰ্ণা কাৰ্য্যসূচী ৰূপায়ণ কৰে ৷ পেট্ৰ'ল পাম্পৰ নির্মাণকাৰ্য বন্ধ কৰি দিয়াৰ বিপৰীতে জিলা উপায়ুক্তৰ জৰিয়তে দেশৰ ৰাষ্ট্ৰপতি, পেট্ৰ’লিয়াম মন্ত্ৰী আৰু অসমৰ মুখ্যমন্ত্ৰী লৈ স্মাৰক পত্ৰ প্ৰেৰণ কৰিব বুলিও জনায় প্ৰতিবাদকাৰীসকলে ৷ এই প্ৰতিবাদৰ জৰিয়তে বিজেপি বিধায়ক অশ্বিনী ৰায় সৰকাৰ, পৌৰসভা আৰু জিলা উপায়ুক্তক কঠোৰ সকীয়নি প্ৰদান কৰে কংগ্ৰেছে ।