ধুবুৰী, 15 ফেব্ৰুৱাৰীঃ ধুবুৰীত যুৱ কংগ্ৰেছৰ প্ৰতিবাদ । মূল্যবৃদ্ধি ৰোধ কৰাৰ দাবীতে প্ৰতিবাদ সাব্যস্ত কৰে যুৱ কংগ্ৰেছে । অত্যাৱশ্যকীয় সামগ্ৰীৰ লগতে শেহতীয়াকৈ ৰন্ধন গেছৰ অস্বাভাৱিক মূল্যবৃদ্ধি ঘটাত বিভিন্ন মহলত সৃষ্টি হৈছে প্ৰতিক্ৰিয়াৰ । যাৰ বাবে শনিবাৰে সৰ্বভাৰতীয় যুৱ কংগ্ৰেছৰ নিৰ্দেশনা অনুসৰি ধুবুৰী জিলা যুৱ কংগ্ৰেছৰ সভাপতি আলতাপ হুছেইন মণ্ডলৰ নেতৃত্বত ধুবুৰী ৰাজীৱ ভৱনৰ সন্মুখত প্ৰতিবাদী কাৰ্যসূচী ৰূপায়ণ কৰে ।
জিলা যুৱ কংগ্ৰেছী সকলৰ লগতে ধুবুৰী জিলা মহিলা কংগ্ৰেছৰ সভানেত্ৰী বেবী বেগমৰ লগতে একাংশ মহিলা কংগ্ৰেছীয়ে হাতে হাতে দলীয় পতাকা আৰু প্লেকাৰ্ড লৈ অসম চৰকাৰ আৰু কেন্দ্ৰীয় চৰকাৰৰ বিৰুদ্ধে বিভিন্ন শ্ল'গানেৰে উত্তাল কৰি তোলে পৰিস্থিতি ।
মূল্যবৃদ্ধি ৰোধৰ বাবে ধুবুৰীত যুৱ কংগ্ৰেছৰ প্ৰতিবাদ