ধুবুৰী,3নৱেম্বৰ: মংগলবাৰে সাহসী মহিলা মঞ্চৰ তৰফৰ পৰা ধুবুৰী জিলা আৰক্ষী অধীক্ষক আনন্দ মিশ্ৰক সম্বৰ্ধনা জনোৱা হয় ৷ ক'ভিড যোদ্ধা হিচাপে বঁটা প্ৰদান কৰা হয় আৰক্ষী অধীক্ষক গৰাকীলৈ । ধুবুৰী জিলা আৰক্ষী অধীক্ষকৰ কাৰ্যালয়ত সাহসী মহিলা মঞ্চৰ প্ৰতিনিধি দলে এখন সভাৰ আয়োজন কৰি প্ৰদান কৰে এই বঁটা ।
উল্লেখ্য যে, চৰাইদেও জিলা আৰক্ষী অধীক্ষক হিচাপে কৰ্মৰত অৱস্থাত থকাৰ সময়ত ক'ভিড যোদ্ধা হিচাপে নিষ্ঠাৰে দায়িত্ব পালন কৰিছিল আৰক্ষী অধীক্ষক মিশ্ৰই । ক'ভিড মহামাৰীৰ সময়ত চৰাইদেউৰ পৰা ধুবুৰী লৈ বদলি হোৱা জিলা আৰক্ষী অধীক্ষক আনন্দ মিশ্ৰই ধুবুৰী জিলা খনত এগৰাকী ক'ভিড যোদ্ধা হিচাপে নিষ্ঠাৰে কাম কৰিছিল । এনে সময়তে সাহসী মহিলা মঞ্চৰ সভানেত্ৰী কৃষ্ণা নাথৰ নেতৃত্বত এটি প্ৰতিনিধি দলে জিলাখনৰ আৰক্ষী অধীক্ষকৰ কাৰ্যালয়ত উপস্থিত হৈ ফুলাম গামোচা, শৰাই আৰু জাপিৰ লগতে গঁড়ৰ প্ৰতীক চিহ্নৰে সম্বৰ্ধনা জনোৱাৰ উপৰিও এখন মান পত্ৰও প্ৰদান কৰে ৷