বিলাসীপাৰাত কোচ ৰাজবংশী জনগোষ্ঠীয় সংগঠনৰ প্ৰশংসনীয় পদক্ষেপ

আক্ৰাছুকে ধৰি কোচ ৰাজবংশী জনগোষ্ঠীৰ বিভিন্ন ভাতৃ সংগঠনৰ উদ্যোগত শালকোচাত স্থাপন কৰা হৈছে বীৰ চিলাৰায় পুথিভঁৰাল ৷ মঙলবাৰে পুথিভঁৰালটোৰ শুভ উদ্বোধন কৰে অৱসৰপ্ৰাপ্ত অভিযন্তা চন্দ্ৰ মাধৱ বৰুৱাই ৷পুথিভঁৰালটোৰ শুভ উদ্বোধন কৰি চন্দ্ৰ মাধৱ বৰুৱাই কয় যে, পুথিভঁৰালটোৱে অনাগত সময়ত শৈক্ষিক দিশত এক অগ্ৰণী ভুমিকা গ্ৰহণ কৰিব ৷

পশ্চিম বিলাসীপাৰা,27অক্টোবৰঃ বিলাসীপাৰাত কোচ ৰাজবংশী জনগোষ্ঠীয়ে গ্ৰহণ কৰিছে প্ৰশংসনীয় পদক্ষেপ ৷ আক্ৰাছুকে ধৰি কোচ ৰাজবংশী জনগোষ্ঠীৰ বিভিন্ন ভাতৃ সংগঠনৰ উদ্যোগত শালকোচাত স্থাপন কৰা হৈছে বীৰ চিলাৰায় পুথিভঁৰাল ৷ মঙলবাৰে পুথিভঁৰালটোৰ শুভ উদ্বোধন কৰে অৱসৰপ্ৰাপ্ত অভিযন্তা চন্দ্ৰ মাধৱ বৰুৱাই ৷ পুথিভঁৰালটোৰ শুভ উদ্বোধন কৰি চন্দ্ৰ মাধৱ বৰুৱাই কয় যে, পুথিভঁৰালটোৱে অনাগত সময়ত শৈক্ষিক দিশত এক অগ্ৰণী ভুমিকা গ্ৰহণ কৰিব ৷

ইপিনে, প্ৰস্তাৱিত কমতাপুৰ, জনজাতিকৰণৰ দাবীৰ সমান্তৰালভাৱে কোচ ৰাজবংশী জনগোষ্ঠীৰ সংগঠনসমূহে স্থাপন কৰা পুথিভঁৰালটোৰ বাবে বিলাসীপাৰাৰ প্ৰতি ঘৰে ঘৰে গৈ একোখন কৈ কিতাপ সংগ্ৰহ কৰিব বুলিও জানিবলৈ দিয়ে উদ্যোক্তাই ৷ আনহাতে, শালকোচা আঞ্চলিক আক্ৰাছুৰ নেতৃত্বত উদ্বোধনী অনুষ্ঠানৰ লগত সংগতি ৰাখি পুথিভঁৰালটোলৈ একোখনকৈ কিতাপ আগবঢ়াবলৈ আহ্বান জনাই এক সমদলো উলিওৱা হয় ৷