ধুবুৰী,8 মাৰ্চ: মহা সংকটৰ সন্মুখীন হৈছে চাপৰৰ ৰাজীৱ ভৱন ৷ পূৱ বিলাসীপাৰাত কংগ্ৰেছৰ মিত্ৰদল এআইইউডিএফ-ৰ প্ৰাৰ্থীক কেন্দ্ৰ কৰি সৃষ্টি হৈছে এই সমস্যা ৷ উল্লেখ্য যে, ২৭ নং পূৱ বিলাসীপাৰা সমষ্টিটো কংগ্ৰেছৰ দুৰ্গ হিচাপে জনা যায় ৷ কিন্তু এইবাৰ মিত্ৰদল হিচাপে AIUDF ক সমষ্টিটো এৰি দিয়াৰ বাবে ক্ষোভিত হৈ পৰিছে সমষ্টিটোৰ কংগ্ৰেছ কৰ্মীসকল ৷
পূৱ বিলাসীপাৰা AIUDF ক এৰি দিয়াক লৈ চাপৰত কংগ্ৰেছ কৰ্মীৰ প্ৰতিবাদ যাৰ বাবে ৰাজীৱ ভৱনত কংগ্ৰেছ কৰ্মীসকলে তীব্ৰ প্ৰতিবাদ কৰাৰ উপৰিও বিভিন্ন সা-সম্পত্তি বিনষ্ট কৰে ৷ বিলাসীপাৰা পূৱৰ কংগ্ৰেছ কৰ্মীসকলে সাংবাদিকৰ আগত ক্ষোভ প্ৰকাশ কৰি যদিহে সমষ্টিটো পুনৰ কংগ্ৰেছক এৰি দিয়া নহয়, তেন্তে ১৩ খন গাঁও পঞ্চায়ত আৰু ২ খনকৈ আঞ্চলিক পঞ্চায়তৰ সহস্ৰাধিক কংগ্ৰেছ কৰ্মীয়ে সমূহীয়াভাৱে পদত্যাগ কৰিবলৈ বাধ্য হ’ব বুলি একপ্ৰকাৰ হুংকাৰ প্ৰদান কৰে ৷
লগতে পঢ়ক-ডিমৌত নিৰ্বাচনী হিংসা: গুৰুতৰভাৱে আহত কংগ্ৰেছ কৰ্মী
