নিশাৰ ভিতৰতে ধুবুৰী আৰু মানকাচৰত ১১ জনকৈ গৰুৰ চোৰাং ব্যৱয়ায়ী গ্ৰেপ্তাৰ

মানকাচৰ আৰু ধুবুৰীৰ ভাৰত বাংলাদেশ সীমান্তত বৃদ্ধি পাইছে গৰুৰ চোৰাং ব্যৱসায় । কাঁইটীয়া তাঁৰৰ বেৰ কাটি বাংলাদেশলৈ গৰু সৰবৰাহ কৰিবলৈ আৰম্ভ কৰিছে চোৰাং গৰু ব্যৱসায়ীয়ে ।

ধুবুৰী,১২ জুনঃ মুখ্যমন্ত্ৰীৰ দুৰ্নীতি আৰু ছিণ্ডিকেটৰ বিৰুদ্ধে তীব্ৰ অভিযানৰ ঘোষণাৰ পিছতেই হঠাৎ আৰক্ষীৰ অভিযানত তীব্ৰতা । একে নিশাই ধুবুৰী আৰু মানকাচৰত ১১ জনকৈ গৰুৰ চোৰাং ব্যৱয়ায়ী গ্ৰেপ্তাৰ । উল্লেখনীয়ভাৱে , মানকাচৰ আৰু ধুবুৰীৰ ভাৰত বাংলাদেশ সীমান্তত বৃদ্ধি পাইছে গৰুৰ চোৰাং ব্যৱসায় । মানকাচৰত ধৰা পৰিল এনে ৯ গৰাকী গৰু চোৰাং বেপাৰী আনহাতে ধুবুৰীৰ গৌৰীপুৰ আৰু বালাজনত আৰক্ষীৰ জালত পৰিল দুজনকৈ ব্যৱসায়ী । লগতে আৰক্ষীয়ে জব্দ কৰিবলৈ সক্ষম হয় মুঠ ৯ টাকৈ চোৰাং গৰু ।

উল্লেখযোগ্য যে দীৰ্ঘদিনৰ পৰা দক্ষিণ শালমাৰা মানকাচৰ আৰু ধুবুৰী জিলাৰ ভাৰত বাংলাদেশ সীমান্তৰ মাজেদি চলি আহিছে গৰুৰ চোৰাং বেহা যদিও সময়ে সময়ে আৰক্ষীয়ে দুই এজন গৰুৰ চোৰাং ব্যৱসায়ীক গ্ৰেপ্তাৰ কৰে কিন্তু ইয়াৰ পাছতো চোৰাং বেপাৰীয়ে বন্ধ কৰা নাই গৰুৰ চোৰাং ব্যৱসায় । বিশেষকৈ নদীত পানী বৃদ্ধি পালে আৰক্ষীক চেলেঞ্জ কৰি চোৰাং বেপাৰীয়ে বাংলাদেশলৈ গৰু চোৰাং চালান বৃদ্ধি কৰে । এইবাৰো পানী বাঢ়ি অহাৰ লগে লগে ব্যপক হাৰে বৃদ্ধি পাবলৈ ধৰিছে গৰুৰ চোৰাং ব্যৱসায় ।