ধুবুৰীত চোৰাং বেহাৰ বিৰুদ্ধে কঠোৰ হৈছে আৰক্ষী

মুখ্যমন্ত্ৰীৰ নিৰ্দেশৰ পাচতে শুকুৰবাৰে নিশা ধুবুৰীৰ পাগলাহাটত আৰক্ষীয়ে অভিযান চলাই 14 টাকৈ গৰু চোৰাং ভাৱে সৰবৰাহ কৰাৰ সময়তে আটক কৰিবলৈ সক্ষম হয় ।

ধুবুৰী,12 জুনঃমুখ্যমন্ত্ৰী হিচাপে শপত গ্ৰহণ কৰিয়েই হিমন্ত বিশ্ব শৰ্মাই ড্ৰগাছ মুক্ত এখন অসম গঢ়াৰ বাবে অংগীকাৰ গ্ৰহণ কৰিছিল ৷ তাৰপাচতে ৰাজ্যৰ জিলাই জিলাই আৰক্ষীয়ে অভিযান চলাই প্ৰতিদিনে বৃহৎ পৰিমাণৰ ড্ৰাগছৰ লগতে ড্ৰাগছ সৰবৰাহকাৰীক কৰায়ত্ব কৰিবলৈ সক্ষম হৈছে ৷

একেদৰে হিমন্ত বিশ্ব শৰ্মাই ড্ৰাগছৰ সমান্তৰালভাবে ৰাজ্যত দীৰ্ঘদিনৰ পৰা চোৰাং ভাবে চলি থকা গৰু চিণ্ডিকেট বন্ধ কৰিবলৈ অসম আৰক্ষীক দিছে কঠোৰ নিৰ্দেশ ৷ এই নিৰ্দেশ লাভৰ পাচতেই ৰাজ্যৰ বিভিন্ন প্ৰান্তত গৰুৰ চোৰাং কাৰবাৰৰ বিৰুদ্ধে জঁপিয়াই পৰিছে আৰক্ষী প্ৰশাসন ।

মুখ্যমন্ত্ৰীৰ নিৰ্দেশৰ পাচতে শুকুৰবাৰে নিশা ধুবুৰীৰ পাগলাহাটত আৰক্ষীয়ে অভিযান চলাই 14 টাকৈ গৰু চোৰাং ভাৱে সৰবৰাহ কৰাৰ সময়তে আটক কৰিবলৈ সক্ষম হয় । উল্লেখযোগ্য যে, মুখ্যমন্ত্ৰীৰ নিৰ্দেশ আৰু আৰক্ষী প্ৰশাসন অভিযানৰ প্ৰতি লক্ষ্য কৰি নতুন নতুন কৌশল অৱলম্বন কৰি গৰুৰ চোৰাং বেপাৰীয়ে বাংলাদেশলৈ সৰবৰাহ কৰি গৈছে পশুধন ।

তেনে এক গোপন তথ্যৰ ভিত্তিত পাগলাহাট আৰক্ষী চকীৰ ভাৰপ্ৰাপ্ত আৰক্ষী বিষয়া বিপুল নাথৰ নেতৃত্বত আৰক্ষীৰ দল এটাই নিশা প্ৰথমে বৰুণডাঙা অঞ্চলৰ পৰা চাৰিটা চোৰাং গৰু জব্দ কৰে ।

তাৰ পাচতে শুকুৰবাৰে মাজ নিশা অসম বংগ সীমান্ত পাৰ কৰি জংঘলৰ মাজেৰে গৈ মৰা গদাধৰ নৈ পাৰ কৰিবলৈ লওঁতেই আৰক্ষীয়ে পুনৰ জব্দ কৰে দহটাকৈ চোৰাং গৰু । এনেদৰেই এতিয়া দিনে নিশাই ৰাজ্যৰ বিভিন্ন প্ৰান্তত আৰক্ষী সষ্টম হৈ ড্ৰাগছৰ আৰু চোৰাং গৰু সৰবৰাহৰ বিৰুদ্ধে অভিযান চলাই গৈছে৷

লগতে পঢ়কঃ "আপোন ঘৰ"-"বিদ্যালক্ষ্মী"য়ে লগাইছে পয়মাল