ধুবুৰী, ১২ ফেব্ৰুৱাৰী: কোকৰাঝাৰ জিলাৰ পৰ্বতঝোৰাত আজিও সক্ৰিয় হৈ আছে চোৰাং গৰুৰ ৰমৰমীয়া ব্যৱসায় । এই ব্যৱসায় অব্যাহত থকাৰ সময়তে বৃহস্পতিবাৰে আৰক্ষীয়ে পুনৰ জব্দ কৰে ১৮ টাকৈ চোৰাং গৰু ।
বৃহস্পতিবাৰে নিশা নৱ নিযুক্ত পৰ্বতঝোৰা মহকুমা আৰক্ষী বিষয়া ত্ৰিনয়ন ভূঞাই এক গোপন তথ্যৰ ভিত্তিত অভিযান চলায় । ত্ৰিনয়ন ভূঞাৰ নেতৃত্বত কাজিগাঁও আৰু বগৰীবাৰী আৰক্ষীৰ যৌথ অভিযানত পৰ্বতঝোৰাৰ পৰা ধুবুৰীলৈ আহি থকাৰ সময়তে ১৮ টাকৈ চোৰাং গৰু জব্দ কৰা হয় । লগতে AS ১৬ D ৪৭৯২ নম্বৰৰ এখন মটৰ চাইকল আৰু হাশেম আলী নামৰ এজনক আটক কৰে আৰক্ষীয়ে ।