পৰ্বতঝৰাত মনোনয়ন দাখিল কৰিলে বি পি এফ প্ৰাৰ্থী মুন মুন ব্ৰহ্মই

বিটিচি পৰিষদীয় নিৰ্বাচনৰ আজি মনোনয়ন পত্ৰ দাখিলৰ প্ৰথম দিন। প্ৰথম দিনাই নিজৰ মনোনয়ন পত্ৰ দাখিল কৰিলে পৰ্বতঝৰা সমষ্টিৰ বিপিএফৰ প্ৰাৰ্থী মুন মুন ব্ৰহ্মই ।

ধুবুৰী, 16 মাৰ্চঃ বিটিচি পৰিষদীয় নিৰ্বাচনৰ আজি প্ৰথম দিনটোত ১ নং পৰ্বতঝৰা সমষ্টিৰ বিপিএফৰ প্ৰক্ষেপিত প্ৰাৰ্থী মুন মুন ব্ৰহ্মই দলীয় সমৰ্থকক লগত লৈ মনোনয়ন পত্ৰ দাখিল কৰিলে । বিপিএফ নেতা তথা প্ৰাক্তন বিধায়ক বনেন্দ্ৰ কুমাৰ মুছাহাৰী আৰু পৰ্বতঝৰা জিলা বি পি এফ সভাপতি সহ দলীয় কৰ্মী আৰু সমৰ্থকক লগত লৈ পৰ্বতঝৰা মহকুমাধিপতিৰ কাৰ্যালয়ত দাখিল কৰে মনোনয়ন পত্ৰ ।

পৰ্বতঝৰাত মনোনয়ন দাখিল কৰিলে বি পি এফ প্ৰাৰ্থী মুন মুন ব্ৰহ্মই

মনোনয়ন পত্ৰ দাখিলৰ পূৰ্বে এখন ৰাজহুৱা সভা সম্বোধন কৰে কৰে বি পি এফৰ মনোনীত প্ৰাৰ্থী মুন মুন ব্ৰহ্মই । ইপিনে মনোনয়ন পত্ৰ দাখিল কৰি সাংবাদিকৰ আগত নিজৰ কোনো প্ৰতিদ্বন্দী নাই বুলি দাবী কৰাৰ লগতে বিগত পোন্ধৰ বছৰে বি পি এফ চৰকাৰ থাকিলেও ১ নং পৰ্বতঝৰা সমষ্টিত কোনো উন্নয়ন হোৱা নাই বুলি উল্লেখ কৰে মুন মুন ব্ৰহ্মই।

উল্লেখযোগ্য যে, শতাধিক কৰ্মী সমৰ্থকক লগতলৈ নিজৰ মনোনয়ন পত্ৰ দাখিল কৰি নিজৰ জয় নিশ্চিত বুলি মুন মুন ব্ৰহ্মই আশা প্ৰকাশ কৰে যদিও ভোটাৰ ৰাইজে কেনে ধৰণৰ সঁহাৰি জনায় সেয়াহে লক্ষণীয় বিষয় ।