ধুবুৰী, 22 ডিচেম্বৰ : মঙলবাৰে ধুবুৰী জিলা বিজেপিৰ ঝগৰাৰ মণ্ডল কাৰ্যালয়ত বিজেপিয়ে এখন সংবাদমেল আয়োজন কৰি ধুবুৰী সমষ্টিৰক বিধায়কৰ বিৰুদ্ধে কেতবোৰ গুৰুত্বপূৰ্ণ অভিযোগ উত্থাপন কৰে ৷ সংবাদমেলত মণ্ডল বিজেপিৰ সাধাৰণ সম্পাদক আবু চায়েদে অভিযোগ উত্থাপন কৰি কয় যে, ধুবুৰী সমষ্টিৰ বিধায়ক নজৰুল হকৰ কাৰ্যকালত বিভিন্ন আঁচনি ৰূপায়নত চৰম দুৰ্নীতি সংঘটিত হৈছে ৷
ইপিনে, ধুবুৰী সমষ্টিৰ কাছাৰীহাট পঞ্চায়তৰ এখন দলঙৰ আধাৰশিলা স্থাপন কৰিব গৈ বিধায়ক গৰাকীয়ে বিজেপি চৰকাৰৰ বিৰুদ্ধে দিয়া ভাষণৰ প্ৰসংগ উত্থাপন কৰিও থকাসৰকা কৰে বিধায়ক গৰাকীক । লগতে, বিধায়ক গৰাকীয়ে বিজেপি চৰকাৰৰ বিৰুদ্ধে উত্থাপন কৰা অভিযোগ মনে সজা আৰু ভিত্তিহীন বুলি দাবী কৰে চায়েদে । ইপিনে, বিপদৰ সময়ত বিধায়ক গৰাকীক সমষ্টিবাসীয়ে লগ নাপায় বুলি উল্লেখ কৰাৰ সমান্তৰালকৈ ধুবুৰীৰ সাংসদ বদৰুদ্দিন আজমলৰ বিৰুদ্ধেও সমালোচনা কৰা পৰিলক্ষিত হয় সংবাদমেলত ।