Allegations for Child marriage : শহৰ আলীৰ 45 বছৰীয়া পত্নীক আৰক্ষীয়ে সজালে 16 বছৰীয়া জী

প্ৰায় এটা মাহ পূৰ্বে অসম আৰক্ষীয়ে বাল্যবিবাহৰ লগত জড়িত থকাৰ অভিযোগত শহৰ আলী নামৰ এজন লোকৰ লগতে আটক কৰিছিল তেওঁৰ ভাতৃ মহৰ আলীক ৷ আৰক্ষীৰ অভিযোগ অনুসৰি, শহৰ আলীয়ে বিয়া দিছিল তেওঁৰ 16 বছৰীয়া জীয়েকক ৷ কিন্তু এটা মাহৰ অন্তত পোহৰলৈ আহে যে শহৰ আলীৰ নাছিল কোনো জী ৷ প্ৰকৃততে আৰক্ষীয়ে শহৰ আলীৰ জী বুলি কোৱা মহিলাগৰাকী হৈছে তেওঁৰ 45 বছৰীয়া পত্নীহে (Allegations for Child marriage) ৷ এই ঘটনাক কেন্দ্ৰ কৰি খৰ্গহস্ত হৈ পৰিছে বিলাসীপাৰাৰ জ্যেষ্ঠ অধিবক্তাসকল ৷

পশ্চিম বিলাসীপাৰা, 6 মাৰ্চ : ৰাজ্যজুৰি বাল্য বিবাহকলৈ অসম আৰক্ষীৰ অভিযান (Operation against child marriage in Assam) চলাই থকাৰ মাজতে বিলাসীপাৰাত সংঘটিত হৈছে এক নাভূত-নাশ্ৰুত ঘটনা । অভিযোগ অনুসৰি এই ঘটনা সংঘটিত কৰিছে খুদ আৰক্ষীয়ে ৷ বিলাসীপাৰাৰ জ্যেষ্ঠ অধিবক্তাই উল্লেখ কৰা অনুসৰি প্ৰায় এটা মাহ পূৰ্বে বিলাসীপাৰা আৰক্ষীয়ে শহৰ আলীৰ 45 বছৰীয়া ঘৈণীয়েকক তেওঁৰ 16 বছৰীয়া জীয়েক সজাইছিল বিলাসীপাৰা আৰক্ষীয়ে (Allegations for Child marriage)৷

তাৰ পাচতে আৰক্ষীয়ে বাল্যবিবাহৰ লগত জড়িত থকাৰ অভিযোগ তুলি PS Case 53/2023 U/S 09/10/11/ (I) of the Prohibition of Child Marriage Act & R/W Sec 17 POCSO Act ৰ অধীনত শহৰ আলী আৰু তেওঁৰ ভাতৃ মহৰ আলীক গ্ৰেপ্তাৰ কৰি জেললৈ প্ৰেৰণ কৰে ৷ এই গোচৰ সংক্ৰান্তত চলি তদন্তৰ অন্তত প্ৰায় এটা মাহৰ পাচত বিলাসীপাৰা আদালতে জামিন মঞ্জুৰ কৰে শহৰ আলী আৰু মহৰ আলীক ।

লগতে পঢ়ক :Operation against child marriage: শোণিতপুৰত বাল্য বিবাহৰ গোচৰত অভিযুক্ত ১৭ গৰাকী স্বামীক আটক

দেওবাৰে বিলাসীপাৰাৰ জ্যেষ্ঠ অধিবক্তাই সংবাদ মাধ্যমৰ আগত উল্লেখ কৰা অনুসৰি, শহৰ আলীৰ নাছিল 16 বছৰীয়া কোনো জীয়েক ৷ প্ৰকৃততে 16 বছৰীয়া জীয়েক বুলি আৰক্ষীয়ে কৰা অনুমান ভুল আছিল ৷ শহৰ আলীৰ জীয়েকৰ পৰিৱৰ্তে বাল্যবিবাহৰ অভিযোগ তোলা মহিলাগৰাকী প্ৰকৃততে আছিল শহৰ আলীৰ 45 বছৰীয়া পত্নীহে ৷

আৰক্ষীয়ে এই ঘটনাৰ কোনো বিচাৰ-খচাৰ নকৰাকৈয়ে এটা পৰ্যায়ত উপনীত হৈছিল ৷ যাৰ ফলতে নিৰ্দোষী লোকক জেললৈ পঠিয়াই নিজৰ দায়িত্ব সামৰাৰ চেষ্টা চলাইছিল বুলি অভিযোগ তোলে বিলাসীপাৰাৰ জ্যেষ্ঠ অধিবক্তাসকলে ৷ ইয়াৰ উদাহৰণ হ’ল শহৰ আলীৰ ঘটনাটো ৷ ইয়াৰ উপৰিও বিলাসীপাৰাৰ জ্যেষ্ঠ অধিবক্তাসকলে অসম আৰক্ষীক ককৰ্থনা কৰি কয়, ‘‘পুলিচ হৈছে আইনৰ ৰক্ষক । কোনো ৰাজনৈতিক হস্তক্ষেপত পুলিচে কাম কৰিব নালাগে । আইন অনুসৰি আৰক্ষীয়ে দায়িত্ব পালন কৰক’’ ।

লগতে পঢ়ক :Operation Child Marriage: স্বামী-আত্মীয়ক মুক্তিৰ দাবীত থানাত তলা ওলোমালে পত্নী-আত্মীয়ই