বিলাসীপাৰা,4 জানুৱাৰীঃবিলাসীপাৰাত শুকুৰবাৰে নিশা সংঘটিত হয় এক লোমহৰ্ষক ডকাইতিৰ কাণ্ড ৷ বলেৰ’ বাহনেৰে অহা 6-7 জনীয়া ডকাইতৰ দল এটাই বিলাসীপাৰাৰ 31 নং ৰাষ্ট্ৰীয় ঘাইপথৰ গৌৰাং নগৰৰ পৰা বলেৰ’ পিক আপ ভান সহ ডেৰ লক্ষাধিক টকা লুট কৰি পলায়ন কৰে ৷
উল্লেখ্য যে, AS01GC-5016 নম্বৰৰ বলেৰ’ পিক আপ ভানখনৰ চালক,হেণ্ডিমেন আৰু শ্ৰমিক এজনে ব্ৰইলাৰ কুকুৰা গুৱাহাটীত বিক্ৰী কৰি বিলাসীপাৰাৰ দিশে আহি আছিল ৷ সেইসময়তেই গৌৰাং নগৰত 6-7জনীয়া ডকাইতৰ দল এটাই মুখত ক’লা কাপোৰ বান্ধি গাড়ীখন আগুচি ধৰে ৷ পৰৱৰ্তী সময়ত ডকাইতৰ দলটোৱে বলেৰ’খনৰ চালক,হেণ্ডিমেনক মাৰপিট কৰি কুকুৰা কঢ়িওৱা বাহনখনৰ লগতে চালকৰ লগত থকা ডেৰ লক্ষাধিক টকা লুটি লৈ পলাই যায় ৷
বিলাসীপাৰাত ডকাইতি কাণ্ড