বিলাসীপাৰাত আৰক্ষীৰ অভিযানত জব্দ কয়লা ভর্তি ট্রাকসহ বহু সামগ্ৰী

বিলাসীপাৰাৰ বেলতলি প্ৰশাসনে চলোৱা এক অভিযানত জব্দ হয় খন কয়লা ভর্তি ট্রাকসহ আন দুখন সামগ্ৰী কঢ়িওৱা ট্ৰাক ৷ ঘটনা সন্দৰ্ভত আৰক্ষীৰ তদন্ত অব্যাহত ৷ বিলাসীপাৰাৰ ৰাজহ চক্ৰ বিষয়া শ্বৰফৰাজ হক, চাপৰ ৰাজহ চক্ৰ বিষয়া নৱজিৎ পাঠকৰ লগতে আয়কৰ বিভাগ,পৰিবহন বিভাগে যুটীয়াভাৱে চলাইছিল অভিযান ৷

পশ্চিম বিলাসীপাৰা,3ডিচেম্বৰ : সোমবাৰে পুৱতি নিশা বিলাসীপাৰাৰ বেলতলিত জব্দ কৰা হয় দুখন কয়লা ভর্তি ট্রাক,এখন কেঁচা সামগ্ৰী সামগ্ৰী কঢ়িওৱা ট্রাক আৰু এখন পান মছলা ভর্তি ট্ৰাক ৷ বিলাসীপাৰা মহকুমাধিপতি মৃদৃল যাদৱ,বিলাসীপাৰা ৰাজহ চক্ৰ বিষয়া শ্বৰফৰাজ হক, চাপৰ ৰাজহ চক্ৰ বিষয়া নৱজিৎ পাঠকৰ লগতে আয়কৰ বিভাগ,পৰিবহন বিভাগে অভিযান চলায় জব্দ কৰে ট্ৰাককেইখন ৷ ইয়াৰে কয়লা ভৰ্তি ট্ৰাকখনৰ চালকজনে পলায়ন কৰে যদিও আৰক্ষীয়ে আন কেইজন চালকক আটক কৰিবলৈ সক্ষম হয় ৷ জব্দ কৰা ট্রাককেইখন বিলাসীপাৰা আৰক্ষী থানালৈ লৈ যোৱা হয় ৷

উল্লেখ্য যে, কিছু দিনৰ পৰা বিলাসীপাৰাত এনেদৰে অভিযান চলায় আহিছে প্ৰশাসনে আৰু পৰৱৰ্তী সময়তো এই অভিযান অব্যাহত থাকিব বুলি জানিবলৈ দিয়ে ৷ বৰ্তমান ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত ৷