ধুবুৰীত বিহু প্ৰতিযোগিতা

ৰঙালী আনন্দত উখল মাখল সমগ্ৰ ৰাজ্য। চৌপাশে ঢোলৰ গুমগুমণি, পেঁপাৰ লহৰ। ব্যতিক্ৰম নহয় ধুবুৰী। ধুবুৰীৰ প্ৰভাত চন্দ্ৰ বৰুৱা খেলপথাৰত কেন্দ্ৰীয় ৰঙালী বিহু উদযাপন সমিতিৰ উদ্যোগত 14 এপ্ৰিলৰ পৰা কণ কণ শিশুসকলৰ মাজত আয়োজন কৰা হৈছে বিহু প্ৰতিযোগিতা।

ধুবুৰী, 15 এপ্ৰিল: তিনিদিনীয়া কাৰ্যসূচীৰে আয়োজন প্ৰতিযোগিতাখনত আজি বিভিন্ন কাৰ্যসূচীৰ লগতে 22 গৰাকী শিশু শিল্পীৰ মাজত বিহু নৃত্য প্ৰতিযোগিতা অনুষ্ঠিত হয়। বিহুৱান সকলৰ মাজতো প্ৰতিযোগিতা অনুষ্ঠিত কৰে আয়োজকসকলে। তিনিদিনীয়া কাৰ্যসূচীৰ অন্তিম দিনা সন্ধিয়া সাংস্কৃতিক কাৰ্যসূচীৰ আয়োজন কৰা হৈছে। অনুষ্ঠানত কেইবাগৰাকী সংগীত শিল্পীয়ে সংগীত পৰিৱেশন কৰিব বুলি জানিব পৰা গৈছে।