‘হিমন্ত বিশ্ব শৰ্মাই মোৰ হত্যাৰ ষড়যন্ত্ৰ কৰিছে’-বদৰুদ্দিন আজমল

নতুন ভূমি নীতিক লৈ এদিন পূৰ্বে এ আই ইউ ডি এফ প্ৰধান সাংসদ গৰাকীয়ে সত্তৰ আশী লাখ মুছলমানক খেদি পঠিওৱাৰ বাবে বিজেপি চৰকাৰে ষড়যন্ত্ৰ কৰা বুলি মন্তব্য কৰিছিল ৷ ইয়াকে লৈ বিভিন্ন জনে এয়া উচটনিমুলক আৰু সাম্প্ৰদায়িক মন্তব্য বুলি তেখেতক উভতি ধৰে ৷

ধুবুৰী,21 জানুৱাৰীঃপুনৰ এক নতুন বিতৰ্কৰ আৱৰ্তত সোমাই পৰিছে এআইইউডিএফ দলৰ প্ৰধান সাংসদ বদৰুদ্দিন আজমল ৷ মন্ত্ৰী হিমন্ত বিশ্ব শৰ্মাই বদৰুদ্দিন আজমলৰ হত্যাৰ পৰিকল্পনা কৰিছে বুলি মঙলবাৰে ধুবুৰীত বিস্ফোৰক মন্তব্য কৰে সাংসদ গৰাকীয়ে ৷ নতুন ভূমি নীতিক লৈ এদিন পূৰ্বে এ আই ইউ ডি এফ প্ৰধান সাংসদ গৰাকীয়ে সত্তৰ আশী লাখ মুছলমানক খেদি পঠিওৱাৰ বাবে বিজেপি চৰকাৰে ষড়যন্ত্ৰ কৰা বুলি মন্তব্য কৰিছিল ৷

ইয়াকে লৈ বিভিন্ন জনে এয়া উচটনিমুলক আৰু সাম্প্ৰদায়িক মন্তব্য বুলি তেখেতক উভতি ধৰে ৷ কিন্তু এই বিষয়ে সাংবাদিকে তেখেতৰ প্ৰতিক্ৰিয়া জানিব বিচৰাত তেখেতে কি মন্তব্য আগবঢা়ইছিল সেইয়া মনত নাই বুলি কয় ৷

আনহাতে মন্ত্ৰী হিমন্ত বিশ্ব শৰ্মাক চিনেমাৰ নায়ক হোৱাৰ বাবে পৰামৰ্শ দিয়াৰ সমান্তৰালকৈ যদি ৰাইজে নায়ক হিচাপে পছন্দ নকৰে তেন্তে ভিলেন হোৱাৰ পৰামৰ্শ দিয়ে সাংসদ আজমলে ৷ বুধবাৰে হ’বলগীয়া নাগৰিকত্ব সংশোধনী আইন সন্দৰ্ভত প্ৰতিক্ৰিয়া প্ৰকাশ কৰি কয় যে, দেশৰ উচ্চতম ন্যায়ালয়ৰ প্ৰতি তেখেতৰ আস্থা আছে ৷

সাংসদ বদৰুদ্দিন আজমলে মন্ত্ৰী হিমন্ত বিশ্ব শৰ্মাৰ বিৰুদ্ধে হত্যাৰ ষড়যন্ত্ৰ কৰা বুলি উত্থাপন কৰা বিস্ফোৰক অভিযোগ আৰু তেখেতলৈ আগবঢ়োৱা পৰামৰ্শৰ পিছত মন্ত্ৰী হিমন্ত বিশ্ব শৰ্মাই ইয়াক কেনেদৰে গ্ৰহণ কৰে সেইয়া পৰৱৰ্তী সময়ত লক্ষণীয় হ’ব ৷
লগতে পঢ়ক-"মহাদেৱ হ'লে বিষ খাবই লাগিব":কিয় ক'লে হিমন্ত বিশ্ব শৰ্মাই ?