কলা শাখাৰ সপ্তম স্থানত জিলিকিল ধুবুৰীৰ অৱন্তী ৰয়

উচ্চতৰ মাধ্যমিক চূড়ান্ত পৰীক্ষাত সপ্তম স্থান দখলেৰে ধুবুৰীলৈ গৌৰৱ কঢ়িয়াই আনিছে, ভোলানাথ মহাবিদ্যালয়ৰ মেধাৱী ছাত্ৰী অৱন্তী ৰয়ে ৷ ছাত্ৰী গৰাকীয়ে কলা শাখাত লাভ কৰিছে সৰ্বমুঠ ৪৬৯ নম্বৰ ৷

ধুবুৰী, 25 জুনঃ বৃহস্পতিবাৰে ঘোষিত উচ্চতৰ মাধ্যমিক পৰীক্ষাৰ চূড়ান্ত ফলাফলে গৌৰৱ কঢ়িয়াই আনিছে ধুবুৰী জিলালৈ ৷ ধুবুৰীৰ অৱন্তী ৰয় নামৰ মেধাৱী ছাত্ৰীগৰাকীয়ে শীৰ্ষ দহটা স্থানৰ ভিতৰত সপ্তম স্থান দখল কৰি জিলাখনলৈ গৌৰৱ কঢ়িয়াই আনিছে ৷ ধুবুৰীৰ 18 নং ৱাৰ্ডৰ বাসিন্দা বিমান ৰয় আৰু উজ্বলা ৰয়ৰ কন্যা অৱন্তীয়ে কলা শাখাত মুঠ ৪৬৯ নম্বৰ লাভ সপ্তম স্থান দখল কৰে ৷

ধুবুৰীৰ ভোলানাথ মহাবিদ্যালয়ৰ মেধাৱী ছাত্ৰীগৰাকীয়ে ভৱিষ্যতে এগৰাকী প্ৰশাসনিক বিষয়া হোৱাৰ আশা মনত পুহি ৰাখিছে ৷ অৱন্তীৰ সফলতাত উৎফুল্লিত হৈ পৰিছে পৰিয়ালৰ লগতে সমগ্ৰ ধুবুৰীবাসীক ৷

লগতে পঢ়কঃকন্যাৰ সফলতাই আৱগিক কৰি তুলিলে পিতৃক