বিলাসীপাৰাত যাত্ৰা আৰম্ভ অসম দৰ্শন আঁচনিৰ

ৰাজ্যৰ মুঠ ২৯ টা মঠ মন্দিৰৰ প্ৰায় ১৬৬ গৰাকী বিষয়-ববীয়াক আপ্যায়ন কৰি গুৱাহাটী অভিমুখে যাত্ৰাৰ আৰম্ভণি কৰা হয় ৷ মঠ মন্দিৰৰ ১৬৬ গৰাকী বিষয় ববীয়াক নিৰ্দেশনা পত্ৰ বিতৰন কৰে বিলাসীপাৰাৰ স্থানীয় বিধায়ক অশোক কুমাৰ সিংহীয়ে ৷

বিলাসীপাৰা, 24 ফেব্ৰুৱাৰীঃ অসম চৰকাৰে গ্ৰহণ কৰিছে অভিলাষী অসম দৰ্শন আঁচনি ৷ ৰাজ্যৰ বিভিন্ন তীৰ্থস্থান,পৰ্যটন ক্ষেত্ৰসমূহকলৈ অসম দৰ্শন আঁচনিৰ অধীনত প্ৰদান কৰা হব আৰ্থিক অনুদান ৷ সোমবাৰে গুৱাহাটী খানাপাৰাস্থিত পশু চিকিৎসা মহাবিদ্যালয়ৰ খেল পথাৰত ধৰ্মীয় মঠ মন্দিৰ সমূহৰ উন্নতিৰ হকে গ্ৰহণ কৰা এই আঁচনিৰ অনুদান বিতৰণী সভা অনুষ্ঠিত হয় ৷

সেই উপলক্ষে ৰাজ্যৰ প্ৰতিখন জিলাৰ পৰা জিলা প্ৰশাসনে চিনাক্ত কৰি উলিয়াইছে বহু পুৰণি মঠ মন্দিৰ সমূহ ৷ দেওবাৰে বিলাসীপাৰা আৱৰ্ত ভৱনত অসম দৰ্শনৰ বাবে বাচনি হোৱা মঠ মন্দিৰ সমূহৰ বিষয়ববীয়া সকলক জিলা ভিত্তিত একত্ৰিত কৰি নিশা জিলা উপায়ুক্ত অনন্ত লাল জ্ঞানীয়ে ফ্লেগ অফ কৰি যাত্ৰাৰ শুভাৰম্ভ কৰে ৷

ৰাজ্যৰ মুঠ ২৯ টা মঠ মন্দিৰৰ প্ৰায় ১৬৬ গৰাকী বিষয়-ববীয়াক আপ্যায়ন কৰি গুৱাহাটী অভিমুখে যাত্ৰাৰ আৰম্ভণি কৰা হয় ৷ মঠ মন্দিৰৰ ১৬৬ গৰাকী বিষয় ববীয়াক নিৰ্দেশনা পত্ৰ বিতৰন কৰে বিলাসীপাৰাৰ স্থানীয় বিধায়ক অশোক কুমাৰ সিংহীয়ে ৷ সোমবাৰে খানাপাৰাত বিষয়-ববীয়া সকলক মুখ্যমন্ত্ৰী আৰু বিত্ত মন্ত্ৰীয়ে 10 লাখ টকা কৈ অনুদান আগবঢ়াই ৷

লগতে চাওকঃ