ধুবুৰী, 4 আগষ্ট : ৰাজ্যত ক'ভিড-19 আৰু বানপানীৰ তাণ্ডৱ অব্য়াহত থকাৰ মাজতে বুধবাৰে পুনৰ গৰুৰ চোৰাং ছিণ্ডিকেটৰ বিৰুদ্ধে তীব্ৰতৰ হৈ উঠিছে ধুবুৰী আৰক্ষী ৷ বুধবাৰে পুনৰ ধুবুৰী আৰক্ষীয়ে অভিযান চলাই নগদ ধন সহ গোৱালপাৰাৰ 4 গৰাকী লোকক আটক কৰে ৷
এক গোপন সূত্ৰৰ পম খেদি ধুবুৰী চহৰত তালাচি অভিযান চলায় ধুবুৰী আৰক্ষীয়ে । অভিযান কালত আৰক্ষীয়েAS 17E-9662 নম্বৰৰ এখন চাৰিচকীয়া বাহনত থকা চাৰিজনকৈ যুৱকক আটক কৰাৰ লগতে তেওঁলোকৰ পৰা মুঠ 2 লাখ 31 হাজাৰ 300 টকা সহ চাৰিটাকৈ ম'বাইল জব্দ কৰিবলৈ সক্ষম হয় আৰক্ষীয়ে ।