আম্ফানৰ প্ৰভাৱ ধুবুৰীত, প্ৰচণ্ড ধুমুহা-বৰষুণ

বাংলাদেশ আৰু পশ্চিম বংগৰ সীমামূৰীয়া জিলা ধুবুৰীতো আম্ফানৰ প্ৰভাৱ পৰিছে ৷ ইতিমধ্যে যোৱা নিশাৰে পৰা প্ৰচণ্ড ধুমুহা বৰষুণ দি আছে ৷

ধুবুৰী, 21 মেঃ প্ৰচণ্ড বেগেৰে অহা ঘূৰ্ণীবতাহ আম্ফানে পশ্চিম বংগ আৰু বাংলাদেশৰ বিস্তৰ ক্ষতিসাধন কৰাৰ পিছত আমফানৰ কিছু প্ৰভাৱ পৰিছে অসমত । বাংলাদেশ আৰু পশ্চিম বংগৰ সীমামূৰীয়া জিলা ধুবুৰীত যোৱা নিশাৰে পৰা প্ৰচণ্ড বতাহ বৈ থকাৰ লগতে বৰষুণ হোৱা পৰিলক্ষিত হৈছে ।

ইয়াৰ ফলত ঘৰৰ পৰা ওলাব পৰা নাই ধুবুৰীৰ লোকসকল ৷ অৱশ্যে এই মুহূৰ্তলৈকে কোনো ক্ষয়-ক্ষতি হোৱা নাই জিলাখনত ৷

লগতে পঢ়ক- আজাৰাত শোকাৱহ পথ দুৰ্ঘটনা