পশ্চিম বিলাসীপাৰা, 12 এপ্ৰিল:বিলাসীপাৰাত লোক নিৰ্মাণ বিভাগৰ পথ নিৰ্মাণৰ নামত ঠিকাদাৰ, অভিযন্তাই বিয়াগোম দুৰ্নীতি সংঘটিত কৰাৰ অভিযোগ উত্থাপন হৈছে । পথ নিৰ্মাণত এটাৰ পিছত আনটো দুৰ্নীতি সংঘটিত কৰাৰ অভিযোগ উত্থাপিত হৈছে বিলাসীপাৰাৰ লোক নিৰ্মাণ বিভাগৰ কনিষ্ঠ অভিযন্তা ৰফিকুল ইছলাম খানৰ বিৰুদ্ধে (Scam allegation in SOPD scheme at Bilasipara)।
পশ্চিম বিলাসীপাৰাৰ সাধুভাষা গাঁও পঞ্চায়তৰ অন্তৰ্গত পিয়াজবাৰী বজাৰৰ পৰা ২ নং সাধুভাষালৈ 800 মিটাৰৰ পথছোৱা নিৰ্মাণৰ পাছতেই চপৰা-চপৰে এৰাই গৈছে ব্লেক ট্ৰপিং ৷ পথটো নিৰ্মাণত ঠিকাদাৰ আৰু অভিযন্তাই মিলি অতি নিম্ন মানৰ সামগ্ৰী ব্যৱহাৰ কৰি সিংহভাগ ধন আত্মসাৎ কৰাৰ অভিযোগ উঠিছে উত্থাপিত হৈছে । অভিযোগ অনুসৰি পথটোৰ দুয়োপাৰৰে ছাইড বাম নিৰ্মাণ নকৰাৰ লগতে ৮ ইঞ্চি মেটেলৰ ঠাইত ৪/৫ ইঞ্চিহে মেটেল ব্যৱহাৰ কৰা হৈছে ।
বিলাসীপাৰাত চপৰা-চপৰে এৰাইছে নৱনিৰ্মিত পথৰ ব্লেক টপিং