বিলাসীপাৰাত পথ দুৰ্ঘটনা: নিহত এজন

অচিনাক্ত বাহনে খুন্দিয়াই পথৰ দাঁতিত পেলাই থৈ যায় এজন চাইকেল আৰোহীক।

বিলাসীপাৰা, 21 নৱেম্বৰ:বুধবাৰে সন্ধিয়া বিলাসীপাৰাস্থিত টিলাপাৰাৰ ৩১ নং ৰাষ্ট্ৰীয় ঘাইপথত সংঘটিত হয় পথ দুৰ্ঘটনা। অচিনাক্ত বাহনে খুন্দিয়াই পথৰ দাঁতিত পেলাই থৈ যায় এজন চাইকেল আৰোহীক। আহত যুৱকজন টিলাপাৰা সন্তেষপুৰ গাঁৱৰ সানিদুল ইছলাম বুলি চিনাক্ত কৰে স্থানীয় ৰাইজে। পৰৱৰ্তি সময়ত ঘটনাস্থলীত শালকোচা আৰক্ষী উপস্থিত হৈ যুৱকজনক সংকটজনক অৱস্থাত চাপৰ চিকিৎসালয়লৈ লৈ যায় যদিও চিকিৎসকে মৃত বুলি ঘোষণা কৰে যুৱকজনক। উক্ত ঘটনাক কেন্দ্ৰ কৰি সমগ্ৰ অঞ্চলটোত গভীৰ শোকৰ ছাঁ পৰে।