ধুবুৰী 18 মেঃ ধুবুৰী জিলাৰ বিলাসীপাৰাৰ নয়াহাট আৰক্ষী চকীৰ ভাৰপ্ৰাপ্ত আৰক্ষী বিষয়া নুৰুল হুছেইনৰ নেতৃত্বত আৰক্ষীৰ দল এটাই বৃহস্পতিবাৰে নিশা গোপন তথ্যৰ ভিত্তিত নয়াহাট বজাৰত অভিযান চলায় । উক্ত আৰক্ষীৰ অভিযানত বজাৰৰ ভিন্ন স্থানৰ পৰা বৃহৎ পৰিমাণৰ নিচাজাতীয় ঔষধ জব্দ কৰিবলৈ সক্ষম হয়। এই ঘটনাৰ সৈতে জড়িত থকাৰ অভিযোগত সাহাআলম খান নামৰ এজন যুৱকক আটক কৰে আৰক্ষীয়ে। আৰক্ষীয়ে সদৰী কৰা মতে, ৫৭ টা কফ চিৰাপ, আৰু ৭০৮ টা টেবলেট জব্দ কৰা হয় এই অভিযানত৷
ধুবুৰীত তীব্ৰতৰ ড্ৰাগছ বিৰোধী অভিযান