প্ৰতিমা বৰুৱা পাণ্ডেৰ মৃত্যু বাৰ্ষিকীত এলবাম উন্মোচন

শুকুৰবাৰে প্ৰতিমা বৰুৱা পাণ্ডেৰ 17 সংখ্যক মৃত্যু বাৰ্ষিকী ৷ এই দিনটোৰ লগত সংগতি ৰাখি উন্মোচন কৰা হয় এখনি এলবাম ৷

পশ্চিম বিলাসীপাৰা, 27 ডিচেম্বৰ : শুকুৰবাৰে হস্তীৰ কন্যাখ্যাত পদ্মশ্ৰী সন্মানপ্ৰাপ্ত প্ৰয়াত প্ৰতিমা বৰুৱা পাণ্ডেৰ ১৭ সংখ্যক মৃত্যু বাৰ্ষিকী ৷ বিশ্ববিখ্যাত শিল্পীগৰাকীৰ মৃত্যু বাৰ্ষিকীৰ লগত সংগতি ৰাখি শিল্পীগৰাকীৰ কেইবাটাও কালজয়ী গীতক ন ৰূপত সজাই তুলি উন্মোচন কৰা হয় 'প্ৰতিমাঞ্জলি' নামৰ এখনি এলবাম ৷ বৃহস্পতিবাৰে বিয়লি বিলাসীপাৰাৰ পদ্মশ্ৰী প্ৰতিমা বৰুৱা পাণ্ডে প্ৰেক্ষাগৃহত এলবামখনৰ শুভ উন্মোচন কৰে আন্তৰ্জাতিক খ্যাতিসম্পন্ন শিল্পী কল্পনা পাটোৱাৰীয়ে | প্ৰতিমা বৰুৱা পাণ্ডেৰ ৮ টাকৈ কালজয়ী গোৱালপৰীয়া লোকগীতক ন ৰূপ প্ৰদান কৰাৰ উদ্দেশ্যে এলবামটিত কন্ঠ নিগৰাইছে কল্পনা পাটোৱাৰীয়ে ৷

কোচ ৰাজবংশী ভাষাৰ সুৰত কন্ঠদান কৰা গীতৰ এলবামটিয়ে শ্ৰোতা ৰাইজৰ ব্যাপক সঁহাৰি লাভ কৰিব বুলি মন্তব্য কৰিছে শিল্পী পাটোৱাৰীয়ে | আনহাতে, এই এলবামটিৰ পৰিচালনা তথা সংগীত পৰিচালনা নিজৰ বুলি জানিবলৈ দিয়ে পাটোৱাৰীয়ে ৷ কোচ ৰাজবংশী সাংস্কৃতিক সমিতিৰ বিলাসীপাৰা জিলা সমিতিয়ে আয়োজন কৰা এই শুভ উন্মোচনী সভাত উপস্থিত থাকে সমিতিৰ জিলা পৰ্যায়ৰ নেতৃবৃন্দৰ লগতে কেন্দ্ৰীয় নেতৃবৃন্দ | উন্মোচনী সভাত এলবামখনৰ গীতো পৰিৱেশন কৰে শিল্পী কল্পনা পাটোৱাৰীয়ে |

আৰু পঢ়ক : কোকৰাঝাৰত কে এল অৰ শ্বহীদ দিৱস উদযাপন