ধেমাজিত কৰ'ণা আক্ৰান্তৰ সংখ্যা বৃদ্ধি পালে 19 গৰাকীলৈ

সোমবাৰে পুৱাৰ ভাগত ধেমাজিত পুনৰ 4 গৰাকী লোকৰ দেহত ধৰা পৰে COVID-19 ৰ অৱস্থিতি ৷ ধেমাজিত সম্প্ৰতি 19 গৰাকীলৈ বৃদ্ধি পালে আক্ৰান্ত লোকৰ সংখ্যা ৷

ধেমাজি, 1 জুনঃ ধেমাজি জিলাত ক্ৰমান্বয়ে বৃদ্ধি পাবলৈ ধৰিছে কৰ'ণা আক্ৰান্তৰ সংখ্যা ৷ সোমবাৰে পুৱাৰ ভাগত পুনৰ 4 গৰাকী লোকৰ দেহত ধৰা পৰে COVID-19ৰ অৱস্থিতি ৷ প্ৰাপ্ত তথ্য অনুসৰি,এই চাৰিওজন লোক যোৱা 22 মে'ত ৰে'লযোগে বহিঃৰাজ্যৰ পৰা আহি ডিব্ৰুগড়ত উপস্থিত হৈছিল ৷ ইয়াৰ পিচতে তেওঁলোকক বিশেষ বাছেৰে ধেমাজিৰ আন্তঃ জিলা বাছ আস্থানস্থিত কোৱাৰেণ্টাইন কেন্দ্ৰত ৰখা হৈছিল ৷

ধেমাজিৰ আন্তঃ জিলা বাছ আস্থানস্থিত কোৱাৰেণ্টাইন কেন্দ্ৰত ৰখা হৈছিল লোক কেইজনক

এই লোক কেইজনৰ ভিতৰত 1 এগৰাকী লোক তেলেংগানা, 1 গৰাকী শিলিগুৰি আৰু 2 গৰাকী লোক চেন্নাইৰ পৰা অহা বুলি জানিব পৰা গৈছে ৷ তেওঁলোকৰ প্ৰথম পৰীক্ষাত নিগেটিভ আহিছিল যদিও,দ্বিতীয় পৰীক্ষাত COVID-19 পজিটিভ আহে ৷ বৰ্তমানলৈ ধেমাজি জিলাত আক্ৰান্ত লোকৰ সংখ্যা বৃদ্ধি পালে 19 গৰাকীলৈ ৷

লগতে পঢ়কঃতিনিচুকীয়াত পুনৰ ক'ৰণাত আক্ৰান্ত এজন