কেবিনেট বৈঠকৰ বাবে ধেমাজিত কটকটীয়া নিৰাপত্তা ব্যৱস্থা

ধেমাজিত অনুষ্ঠিত হ'ব মুখ্যমন্ত্ৰী ড৹ হিমন্ত বিশ্ব শৰ্মাৰ নেতৃত্বাধীন ৰাজ্য চৰকাৰৰ কেবিনেট বৈঠক ৷ ইতিমধ্যে বৈঠকলৈ প্ৰস্তুতি প্ৰায়ে সম্পূৰ্ণ কৰিছে ধেমাজিৰ জিলা প্ৰশাসনে ৷

ধেমাজি, 29 ছেপ্টেম্বৰ :প্ৰথমবাৰৰ বাবে ধেমাজিত অনুষ্ঠিত হ'ব মুখ্যমন্ত্ৰী ড৹ হিমন্ত বিশ্ব শৰ্মাৰ নেতৃত্বাধীন ৰাজ্য চৰকাৰৰ কেবিনেট বৈঠক ৷ ইতিমধ্যে বৈঠকলৈ প্ৰস্তুতি প্ৰায়ে সম্পূৰ্ণ কৰিছে ধেমাজিৰ জিলা প্ৰশাসনে ৷ ধেমাজি নগৰৰ মূলপথ সমূহত ব্যাপক নিৰাপত্তা ব্যৱস্থা গঢ়ি তুলিছে ধেমাজি জিলা আৰক্ষীয়ে ৷

কটকটীয়া নিৰাপত্তা ব্যৱস্থা

ধেমাজি তিনি আলি পৰা চাৰিআলিলৈকে মূলপথেৰে যানবাহন চলাচলত বাধা প্ৰদান কৰা লগতে ধেমাজি জিলাৰ উপায়ুক্ত কাৰ্যালয় আৰু আবৰ্ত ভৱনত আৰক্ষীয়ে নিছিদ্ৰ পহৰা ব্যৱস্থা কৰিছে ৷ সুন্দৰকৈ সজাই তোলা হৈছে সদৰৰ আবৰ্ত ভৱনটো ৷

লগতে পঢ়ক:কেৰালাৰ পাৰ্শীৰাজাৰ ব্ৰিটিছ সাম্ৰাজ্যবিৰোধী সংগ্ৰামৰ কাহিনী

ইয়াৰোপৰি, নতুনকৈ পাৰ্কিং স্থলীও নিৰ্মাণ কৰা হৈছে ৷ উপায়ুক্ত কাৰ্যালয়ৰ বাহিৰে ভিতৰে মেৰামতি তথা সভাকক্ষটো অত্যাধুনিক সা-সুবিধাৰে পৰিপূৰ্ণ কৰি তোলাৰ হৈছে ৷

কেবিনেট বৈঠকলৈ ধেমাজিত কটকটীয়া নিৰাপত্তা ব্যৱস্থা

জানিব পৰা মতে, বুধবাৰে নিশাটোৰ বাবে ধেমাজি জিলা আৱৰ্ত ভৱনৰ ১ নং কোঠাত থাকিব মুখ্যমন্ত্ৰী হিমন্ত বিশ্ব শৰ্মা ৷ আন দহ গৰাকী কেবিনেট মন্ত্ৰীয়ে আন কোঠা সমূহত থকাৰ পৰিবৰ্তে তিনি গৰাকীয়ে মিছিং স্বায়ত্ত্ব শাসিত পৰিষদৰ অতিথিশালাত নিশাটো কটাব ৷

লগতে পঢ়ক:কাগজ কলৰ বিষয়া-কৰ্মচাৰীৰ বাবে চৰকাৰৰ ৫৭০ কোটি টকাৰ পেকেজ