দুৰ্ঘটনাত পতিত হৈ জোনাইত মৃত্যুক সাৱটিলে তিনি যুৱকে

জোনাইত এক ভয়ংকৰ পথ দুৰ্ঘটনাত মৃত্যুক সাৱটিলে তিনি যুৱকে ৷ জোনাইৰ বৰবালি গাঁৱৰ ৰঙাজান দলঙৰ সমীপৰ 15নং ৰাষ্ট্ৰীয় ঘাইপথত দেওবাৰে শোকাৱহ পথ দুৰ্ঘটনাটো সংঘটিত হয় ৷ দুৰ্ঘটনাটোৰ ফলত দুজনে থিতাতে মৃত্যুক সাৱটি লয় আৰু এজনৰ চিকিৎসাধীন অৱস্থাত মৃত্যু ঘটে ৷

জোনাই, 16 নৱেম্বৰ:জোনাইত সংঘটিত এক শোকাৱহ পথ দুৰ্ঘটনাত মৃত্যুক সাৱটিলে তিনি যুৱকে ৷ জোনাইৰ বৰবালি গাঁৱৰ ৰঙাজান দলঙৰ সমীপত 15 নং ৰাষ্ট্ৰীয় ঘাইপথত এই শোকাৱহ পথ দুৰ্ঘটনাটো সংঘটিত হয় ৷ দেওবাৰে সংঘটিত এই দুৰ্ঘটনাত দুগৰাকী লোকে থিতাতে মৃত্যু হোৱাৰ পৰিৱৰ্তে ডিব্ৰুগড়ত চিকিৎসাধীন অৱস্থাত অন্য এগৰাকীয়ে মৃত্যক সাৱটি লয় ৷ নিহত লোক কেইগৰাকী ডিব্ৰুগড় নালিয়াপুলৰ ইন্দ্ৰজ্যোতি গগৈ, দেৱজ্যোতি গগৈ আৰু সত্যজিৎ শইকীয়া বুলি জানিব পৰা গৈছে ৷

নিয়ন্ত্ৰণ হেৰুৱাই পথৰ কাষৰ ভলুকা বাঁহৰ জোপোহাত খুন্দিওৱাৰ ফলত দুৰ্ঘটনাটো সংঘটিত হয়

জানিব পৰা মতে ডিব্ৰুগড় নালিয়াপুলৰ যুৱক চাৰিজন জোনাইৰ চিকাৰীত বিয়া খাবলৈ গৈছিল ৷ জোনাইত উপস্থিত হৈ যুৱক কেইজনে জোনাইৰ লাইমেকুৰীৰ স্থানীয় যুৱক গজেন কাৰ্দঙৰ সৈতে অসম অৰুণাচল সীমান্তৰ জোনাই অঞ্চল চাবলৈ বুলি ওলাই আহে ৷ ইয়াৰ পাছতে যুৱকে কেইজন গৈ থকা এ এচ 0605232 নম্বৰৰ টাটা ব'ল্ট এক্স 5 গাড়ীখনে 15 নং ৰাষ্ট্ৰীয় ঘাইপথৰ ৰঙাজান দলঙৰ সমীপত নিয়ন্ত্ৰণ হেৰুৱাই পথৰ কাষৰ ভলুকা বাঁহৰ জোপোহাত খুন্দিওৱাৰ ফলতে দুৰ্ঘটনাটো সংঘটিত হয় ৷

দুৰ্ঘটনাটোত গুৰুতৰভাৱে আঘাত প্ৰাপ্ত ডিব্ৰুগড় নালিয়াপুলৰ খনিন আৰু জোনাইৰ টাক লাইমেকুৰী গাঁৱৰ গজেন কাৰ্দঙক সংকট জনক অৱস্থাত চিকিৎসাৰ বাবে ডিব্ৰুগড়লৈ প্ৰেৰণ কৰা হৈছে বুলি জানিব পৰা গৈছে ৷

লগতে পঢ়ক:ইথিওপিয়াত সন্ত্ৰাসবাদী আক্ৰমণত নিহত 34 বাছ আৰোহী