অসম-অৰুণাচল সীমান্তৱৰ্তী ধেমাজিৰ চিলনীত উত্তেজনা

অসম অৰুণাচল সীমান্তৱৰ্তী ধেমাজিৰ চিলনীত উত্তেজনা(Tension at Assam Arunachal Border) ৷ সীমাক লৈ একাংশ অসম আৰু অৰুণাচলীৰ মাজত সংঘটিত হয় মাৰপিটৰ ঘটনা ৷ মন্ত্ৰী জয়ন্ত মল্ল বৰুৱাই অঞ্চলটোত চৰজমিন তদন্ত কৰি নিকটৱৰ্তী তৰাজানলৈ ৰাওনা হোৱাৰ পিছতে উত্তপ্ত হৈ পৰে পৰিস্থিতি ৷

জোনাই/ধেমাজি, 3 ছেপ্টেম্বৰ:অসম অৰুণাচল সীমান্তৱৰ্তী জয়ৰামপুৰ কেঁচাকাঠনি নামৰ অঞ্চলত শনিবাৰে দুটা ফৈদৰ মাজত প্ৰচণ্ড মাৰপিট সংঘটিত হয়(Assam-Arunachal border) ৷ সীমান্তৱতী অঞ্চলৰ চিলনীত আজি এখন সভাত অংশগ্ৰহণ কৰে মন্ত্ৰী জয়ন্ত মল্ল বৰুৱাই(Minister Jayanta Malla baruah) ৷ মন্ত্ৰীগৰাকীয়ে অসম অৰুণাচলৰ সীমান্তৱৰ্তী অঞ্চলত বসবাস কৰা ৰাইজৰ মতামত লৈ থকা সময়তে চেঁপা উত্তেজনাই বিৰাজ কৰিছিল উক্ত স্থানত ৷

মন্ত্ৰী জয়ন্ত মল্ল বৰুৱাই প্ৰৱল বৰষুণৰ মাজত অৰুণাচল দুই বিধায়ক আৰু সীমান্তৱৰ্তী জিলাৰ প্ৰশাসনক লগত লৈ ধেমাজিৰ অসম অৰুণাচল সীমান্তৱৰ্তী চিলনী, তৰাজান, গেৰমেৰ আদি অঞ্চল পৰিদৰ্শন কৰে ৷ চিলনীত ৰাইজৰ মতামত লৈ মন্ত্ৰীগৰাকী তৰাজানলৈ যোৱাৰ পিছতে অৰুণাচলৰ একাংশ লোকৰ সৈতে অসমৰ সীমান্তৱৰ্তী একাংশ লোকৰ বাক-বিতণ্ডাৰ সৃষ্টি হয় ৷

ইয়াৰ পাছত অধিক উত্তপ্ত হৈ পৰে পৰিস্থিতি ৷ দুই পক্ষৰ মাজত প্ৰচণ্ড খেদাখেদি আৰু মাৰপিট সংঘটিত হয় ৷ পূৰ্বেও জয়ৰামপুৰৰ পানবাৰীত অসম অৰুণাচলৰ সীমান্তৱৰ্তী লোকসকলৰ মাজত সংঘাত হৈ আহিছিল ৷ আজি মন্ত্ৰীৰ পৰিদৰ্শনৰ পিছতে এই সংঘাতে মাৰপিটৰ ৰূপ ল’লে ৷

লগতে পঢ়ক :অংকিতা দত্তলৈ অন্যায়ভাৱে চমন জাৰি কৰাৰ অভিযোগ যুৱ কংগ্ৰেছৰ