শতাধিক বিজেপি কৰ্মীৰ স্বচ্ছ ভাৰত অভিযান বগীবিল সেঁতুত

অপৰিস্কাৰ হৈ পৰা আশাৰ সেঁতু বগীবিল দলঙত দেওবাৰে বিজেপি কৰ্মী সকলে হাতে হাতে ঝাৰু, খৰাহী লৈ দলং পৰিস্কাৰত নামি পৰিল ৷ চিলাপথাৰ আৰু চিচিটঙানি মণ্ডল বিজেপিৰ উদ্যোগত তথা বিজেপি নেতা ৰাতুল চণ্ডীৰ সহযোগত এই স্বচ্ছতাৰ অনুষ্ঠান সমাপন হয় ৷

জোনাই, 12 আগষ্ট: সমাগত স্বাধীনতা দিৱসৰ লগত সংগতি ৰাখি দেওবাৰে বগীবিল সেঁতুত স্বচ্ছ ভাৰত অভিযান ৰূপায়ণ কৰে শতাধিক বিজেপি কৰ্মীয়ে ৷ শেহতীয়াকৈ দলংখনৰ ভিন্ন স্থানত যাত্ৰী সকলে পেলোৱা আৱৰ্জনাৰে অপৰিস্কাৰ হৈ পৰিছিল দলংখন ৷ বিষয়টোৰ প্ৰতি লক্ষ্য ৰাখি অপৰিস্কাৰ হৈ পৰা আশাৰ সেঁতু বগীবিল দলঙত দেওবাৰে বিজেপি কৰ্মী সকলে হাতে হাতে ঝাৰু, খৰাহী লৈ দলং পৰিস্কাৰত নামি পৰে ৷ চিলাপথাৰ আৰু চিচিটঙানি মণ্ডল বিজেপিৰ উদ্যোগত তথা বিজেপি নেতা ৰাতুল চণ্ডীৰ সহযোগত এই অভিযান চলায় বিজেপি কৰ্মীসকলে ৷ বগীবিল দলঙৰ স্বচ্ছ ভাৰত অভিযান কাৰ্যসূচী থলীৰ পৰা বিজেপি চিলাপথাৰ মণ্ডল কমিটিৰ হৈ ৰাইজলৈ আহ্বান বগীবিল সেঁতু দেশৰ সম্পদ ইয়াক পৰিস্কাৰ-পৰিচন্ন কৰি ৰখাৰ দায়িত্ব আমি দলঙেৰে অহা প্ৰতিজন যাত্ৰীয়ে ল’ব লাগিব ৷ তেতিয়াহে দলং খন পৰিস্কাৰ হৈ থাকিব বুলি কয় বিজেপি যুৱ নেতা ৰাতুল চণ্ডীয়ে ৷